صدر جمہوریہ نے سپریم کورٹ کے احاطے میں بھیم راو امبیڈکر کے مجسمے کی نقاب کشائی کی

نئی دہلی، 26 نومبر (ہ س)۔ صدر جمہوریہ دروپدی مرمو نے اتوار کو یوم آئین کے موقع پر سپریم کورٹ کے احاطے میں ڈاکٹر بھیم راو امبیڈکر کے مجسمے کی نقاب کشائی کی۔ اس موقع پر چیف جسٹس ڈی وائی چندر چوڑ، مرکزی وزیر قانون و انصاف (آزادانہ چارج) ارجن رام میگھوال اور سپریم کورٹ کے دیگر جج بھی موجود تھے۔ صدر جمہوریہ اور چیف جسٹس نے ڈاکٹر امبیڈکر کے مجسمہ کے قریب ایک ایک پودا بھی لگایا۔