ہند-کینیا کا اپنی اپنی کرنسیوں میں تجارت پر تبادلہ خیال

نئی دہلی، 29 اپریل (یو این آئی) افریقی خطے میں کینیا کے ہندوستان کے لیے ایک اہم تجارتی شراکت دار کے طور پر ابھرنے کے ساتھ، دونوں ممالک نے نیروبی میں ایک میٹنگ میں دو طرفہ تجارت اور اقتصادی تعاون کا جائزہ لیا۔ دونوں ممالک نے اس تعاون کو مزید وسعت دینے اور مضبوط کرنے کے طریقوں کے ساتھ ساتھ اپنی اپنی کرنسیوں میں تجارت کے امکانات پر بھی تبادلہ خیال کیا۔بدھ کو تجارت اور صنعت کی وزارت کی طرف سے جاری کردہ ایک ریلیز کے مطابق 27-28 اپریل کو نیروبی میں منعقدہ ہند-کینیا مشترکہ تجارتی کمیٹی (جے ٹی سی) کی 10ویں میٹنگ میں دونوں فریقوں نے مقامی کرنسیوں میں تجارتی تصفیوں کو فروغ دینے کے امکان کو تسلیم کیا۔اس دوران اس بات کا بھی ذکر کیا گیا کہ کینیا کے بینکوں نے ہندوستانی بینکوں کے ساتھ اسپیشل روپی ڈینومینیٹڈ ووسٹرو اکاؤنٹس کھولے ہیں، اور اس انتظام کے زیادہ استعمال سے دو طرفہ لین دین کو آسان بنایا جا سکتا ہے۔ میٹنگ میں لوکل کرنسی سیٹلمنٹ میکانزم کو اپنانے کے امکان پر بھی تبادلہ خیال کیا گیا۔ہندوستان کینیا کے لیے ایک بڑے تجارتی شراکت دار کے طور پر ابھرا ہے، دونوں ممالک کے درمیان تجارت 4.31 بلین امریکی ڈالر تک پہنچ گئی ہے۔ ملاقات میں دونوں ممالک نے تجارتی اور سرمایہ کاری کے تعلقات کو مضبوط بنانے پر تبادلہ خیال کیا۔ اس سیشن کی صدارت راجیش اگروال، سکریٹری، محکمہ تجارت، تجارت اور صنعت کی وزارت، اور ریجینا اکوٹا اومبم، پرنسپل سیکریٹری، محکمہ تجارت، جمہوریہ کینیا نے کی۔ریلیز کے مطابق دونوں فریقوں نے دو طرفہ تجارت میں مسلسل نمو کو نوٹ کیا، جس میں ہندستان کینیا کے اہم تجارتی شراکت داروں میں سے ایک کے طور پر ابھر رہا ہے۔ ہندوستان اور کینیا کے درمیان کل تجارت 2025-26 میں ارب امریکی ڈالر4.31 ارب امریکی ڈالر تک پہنچنے کا تخمینہ ہے، جو کہ 2024-25 میں 3.45 ارب امریکی ڈالر سے 24.91 فی صد ز ائد ہے۔بات چیت میں تجارتی تنوع کو بڑھانے، مارکیٹ تک رسائی کے مسائل کو حل کرنے اور انجینئرنگ سامان، دواسازی، زراعت، اور الیکٹرانکس جیسے شعبوں میں تکمیلی خصوصیات کا فائدہ اٹھانے پر توجہ مرکوز کی گئی۔ میٹنگ میں بیورو آف انڈین اسٹینڈرڈز اور کینیا بیورو آف اسٹینڈرڈز کے درمیان مفاہمت کی یادداشت (ایم او یو) پر جاری بات چیت کی پیشرفت کا جائزہ لیا گیا تاکہ معیار کاری اور ہم آہنگی کی تشخیص میں تعاون کو فروغ دیا جاسکے ۔