نوی ممبئی میں گوگل میپ نے بتایا غلط راستہ، آڈی کار خلیج میں گری

کار ڈرائیو کر رہی خاتون کو سیکیوریٹی اہلکاروں نے بچایا

ممبئی،26؍جولائی (ایجنسی) نوی ممبئی کے بیلاپور میں گوگل میپس کے غلط راستہ دکھانے کی وجہ سے ایک آڈی کار خلیج میں گر گئی۔ یہ واقعہ جمعہ اور ہفتہ کی درمیانی شب تقریباً ایک بجے پیش آیا۔ کار چلانے والی خاتون الوے کی طرف جارہی تھی۔بیلا پور میں گوگل میپس نے خاتون کو پل کے نیچے کا راستہ دکھایا۔ نقشہ دیکھتے ہوئے خاتون نے اوپر جانے کے بجائے پل کے نیچے کا راستہ اختیار کیا۔ نتیجے کے طور پر، اس کی کار دھروتارا جیٹی سے سیدھی خلیج میں گر گئی۔میرین سیکورٹی پولیس نے کار کو خلیج میں گرتے دیکھا۔ وہ فوراً موقع پر پہنچ گئے۔ انہوں نے دیکھا کہ عورت پانی میں تیر رہی ہے۔ اس کے بعد ریسکیو بوٹ اور گشتی ٹیم کی مدد سے خاتون کو بچا لیا گیا۔