چنئی سے پونے جانے والی ٹرین میں کھانا کھانے سے 40 مسافر بیمار ہو گئے

پونے چنئی سے پونے جانے والی بھارت گورو ٹرین میں سفر کرنے والے 40 مسافر فوڈ پوائزننگ کا شکار ہو گئے جس کی وجہ سے انہیں پونے کے ساسون ہسپتال میں داخل کرانا پڑا۔ بتایا جاتا ہے کہ تمام مسافروں کی حالت اب مستحکم ہے۔ چنئی سے پونے کے سفر کے درمیان میں بھارت گورو ٹرین کے مسافر اچانک بیمار ہو گئے۔ فوڈ پوائزننگ کی علامات سب میں دیکھی گئیں۔ وزارت ریلوے کے ذرائع کے مطابق ایک نجی کمپنی اس سروس کو چلا رہی ہے۔ ذرائع کے مطابق وزارت کمپنی کے خلاف کارروائی کرے گی۔