سمریا اور چترا اسمبلی حلقوں کے مائیکرو مبصرین اور معاون اہلکاروں کو تربیت دی گئی
ہنٹر گنج بلاک کے ترواگڑا میں سویپ پروگرام کے تحت ووٹر بیداری مہم چلائی گئی
جدید بھارت نیوز سروس
چترا، 2نومبر: اسمبلی عام انتخابات 2024 کے لیے پہلے مرحلے میں چترا اور سمریا اسمبلی حلقوں میں 13 نومبر کو ووٹنگ ہونی ہے۔ جمہوریت کے اس عظیم تہوار میں تمام ووٹرز کی شرکت کو یقینی بنایا جائے اور تمام ووٹرز اپنے ووٹ کے بارے میں آگاہ ہو کر پولنگ اسٹیشن پہنچ کر ووٹ دیں۔ اس کے لیے سویپ سیل کے نوڈل افسر، تمام ضلع سطح کے افسران اور بلاک سطح کے افسران کے ذریعہ دونوں اسمبلی حلقوں میں کم ووٹنگ فیصد والے بوتھوں کے علاوہ مختلف علاقوں میں سویپ پروگرام کے تحت راتری چوپال، رنگولی، مہندی مقابلہ، ووٹر بیداری ریلی، ووٹر حلف، سیلفی اور دستخطی مہم سمیت دیگر پروگرام منعقد کئے جارہے ہیں۔ اسمبلی انتخابات 2024 کے کامیاب انعقاد کے لیے، جنرل آبزرور چترا امریش اورنگ آبادکر کی موجودگی میں، چترا اور سمریا اسمبلی حلقوں کے لیے مقرر کردہ مائیکرو آبزروروں کو جمعہ کو ڈی ایم ایف ٹی کم ڈی آر ڈی اے ٹریننگ بلڈنگ ہال چترا میں ماسٹر ٹرینر کے ذریعے تربیت دی گئی۔ ہفتہ کو، اسمبلی انتخابات 2024 کے لیے، چترا اسمبلی اور سمریہ اسمبلی کے تحت EVM/VV PAT کی تیاری (کمیشن) کے لیے تربیت حاصل کرنے والے معاون اہلکاروں؍ سپروائزروں کو ریاست کے تعاون سے چلنے والے سیکنڈ بوائز ہائی اسکول، چترا میں صبح 11:00بجے سے دوپہر 02:00بجے تک تربیت دی گئی۔ SVEEP پروگرام کے تحت جمعہ کو چترااسمبلی حلقہ کے ہنٹر گنج بلاک گاؤں ترواگڑا میں سویپ سیل کے نوڈل آفیسر کم ڈسٹرکٹ پبلک ریلیشن آفیسر شکیل احمد اور ضلع سماجی بہبود آفیسر کے ذریعہ ووٹر بیداری مہم چلائی گئی۔ جس میں مذکورہ عہدیداروں نے گھر گھر جاکر ترواگڑا کے ووٹروں کو 13 نومبر کو پولنگ اسٹیشن پہنچ کر ووٹ ڈالنے کی دعوت دی۔ اس کے ساتھ ہر ووٹ کے حقوق کے بارے میں بھی معلومات فراہم کی گئیں۔ اس کے علاوہ ووٹر حلف، مہندی، رنگولی مقابلہ اور ووٹر بیداری ریلی بھی نکالی گئی، آگہی ریلی میں گاؤں والوں نے جوش و خروش سے حصہ لیا ۔
