پٹنہ، 27 دسمبر (یو این آئی) راشٹریہ جنتا دل (آر جے ڈی) کے قومی صدر لالو پرساد یادو نے ملک کے سابق وزیر اعظم ڈاکٹر منموہن سنگھ کے انتقال پر غم کا اظہار کیا ہے۔آر جے ڈی صدر نے اپنے تعزیتی پیغام میں کہا کہ محترم سابق وزیر اعظم ڈاکٹر منموہن سنگھ کے انتقال کی افسوسناک خبر سنی۔ سردار منموہن سنگھ جی ایمانداری، سادگی، نرمی، سادگی، عاجزی، ذہانت اور دور اندیشی کے پیکر تھے۔ معاشی لبرلائزیشن کے معمار سردار منموہن سنگھ نے جدید اور خود انحصار ہندوستان کی بنیاد رکھی۔ ان کا انتقال ذاتی نقصان ہے۔ مجھے ان کا بے پناہ پیار ملتا رہا۔ ایسے عاجزبڑے شخص کے ساتھ کام کرنا میری خوش قسمتی تھی۔مسٹریادو نے کہا کہ 2004 سے 2014 کے درمیان انہوں نے بہار اور ہندوستان کو بہترین اور نتیجہ خیز سال دیے یا یوں کہیں کہ سنہری دہائی دی۔ یو پی اے اتحاد میں دوسری سب سے بڑی پارٹی، آر جے ڈی کے لیڈر اور کابینہ کے ساتھی وزیر ریلوے کی حیثیت سے ہماری مثبت پہل اور درخواست پرانہوں نے 2004 سے 2009 کے درمیان ترقیاتی کاموں کے لیے بہار کو 1 لاکھ 44 ہزار کروڑ روپے کے فنڈز اور منصوبے دیے۔ کوسی آفت کے وقت وہ ہماری درخواست پر فوراً بہار آئے اور ہزاروں کروڑ کی مالی امداد، امدادی سامان اور فنڈز فراہم کیا۔۔ ان کی میراث نسلوں کو متاثر کرے گی۔
