West Bengal

کولکاتا پولیس کو ملی انڈین میوزیم کو بم سے اڑانے کی دھمکی، ناظرین کے داخلے پر پابندی

121views

کولکاتا پولیس کو جمعہ کے روز ایک سنسنی خیز ای میل موصول ہوا جس میں کولکاتا واقع انڈین میوزیم کو بم سے اڑانے کی دھمکی دی گئی ہے۔ میڈیا رپورٹس کے مطابق ٹیررائزر 111 گروپ کی طرف سے یہ ای میل بھیجا گیا ہے جس میں بتایا گیا ہے کہ وہ انڈین میوزیم میں دھماکہ کرنے کا ارادہ رکھتا ہے۔ یہ خبر ملتے ہی بم ناکارہ بنانے والا دستہ انڈین میوزیم پہنچ گیا اور تلاشی مہم شروع کر دی ہے۔

حلال سرٹیفائیڈ معاملہ: سپریم کورٹ نے یوپی حکومت سے جواب طلب کیا، آئندہ سماعت 2 ہفتہ بعد

میڈیا رپورٹس کے مطابق جیسے ہی پولیس کو انڈین میوزیم میں بم دھماکہ کی دھمکی کا پتہ چلا، فوراً ہی سیاحوں و ناظرین کی وہاں انٹری روک دی گئی۔ انڈین میوزیم میں لوگوں کی انٹری ایک ہفتہ کے لیے بند کر دی گئی ہے۔ بتایا جاتا ہے کہ پہلی فرصت میں یہ یقینی بنایا گیا ہے کہ انڈین میوزیم گھومنے پہنچا کوئی شخص اندر نہ رہے تاکہ بم کی تلاشی مہم آسانی سے ہو سکے۔ حالانکہ ابھی تک بم یا کسی بھی خطرناک شئے کی برآمدگی کی اطلاع نہیں ملی ہے۔

’اِسرو‘ کا بڑا کارنامہ، فیوئل سیل تکنیک کا کیا کامیاب تجربہ، آئیے جانیں اس کی خوبی

واضح رہے کہ گزشتہ کچھ دنوں سے ہندوستان کے کئی علاقوں میں بم سے متعلق دھمکیاں دی گئی ہیں اور بیشتر دھمکیاں فرضی ہی نکلی ہیں۔ بنگلورو میں اسی طرح کی دھمکیوں کے سبب ایک دن تک سبھی اسکولوں کو بند رکھا گیا تھا۔ ایک مشتبہ شخص نے کرناٹک کے راج بھون کو بھی بم سے اڑانے کی دھمکی تھی۔ حالانکہ گرفتاری کے بعد اس شخص نے بتایا کہ اس نے بس اپنی تفریح کے لیے یہ دھمکی دی تھی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.