کرناٹک: ’نوجوانوں کو ملے گی معاشی و سماجی قوت‘، کانگریس حکومت کی پانچویں گارنٹی کا شاندار آغاز

کرناٹک کے وزیر اعلیٰ سدارمیا نے سوامی وویکانند کے یومِ پیدائش پر جمعہ کو شیوموگا میں کانگریس حکومت کی پانچویں گارنٹی ’یوا ندھی‘ کا شاندار آغاز کیا۔ اس  منصوبہ کے تحت گریجویٹ بے روزگار نوجوانوں کو 3000 روپے اور ڈپلوما ہولڈر بے روزگار نوجوانوں کو 1500 روپے کی ادائیگی کی جائے گی۔

✨ Keeping our promise! ✨

On Swami Vivekananda’s birth anniversary, Congress implements the Yuva Nidhi Scheme in Karnataka, ensuring:

➡️ ₹3,000 monthly for unemployed graduates
➡️ ₹1,500 monthly for unemployed diploma holders

‍‍ Empowering our youth for a brighter future!… pic.twitter.com/AHSwm1eJVc

— Congress (@INCIndia) January 12, 2024

واضح رہے کہ ’یوا ندھی‘ منصوبہ کے تحت بے روزگار نوجوانوں کو دو سال تک بھتہ دیا جائے گا۔ ساتھ ہی ہنر کی تربیت بھی دی جائے گی تاکہ مدت کے آخر میں انھیں روزگار حاصل کرنے میں مدد مل سکے۔ وزیر اعلیٰ سدارمیا نے اس منصوبہ کا آغاز کرتے ہوئے کہا کہ ’’سوامی وویکانند نے کہا تھا کہ وہ اس مذہب میں یقین نہیں کریں گے جو بھوکوں کو کھانا دستیاب نہیں کراتا۔ ان کی جینتی کے موقع پر یوا ندھی منصوبہ شروع کیا جا رہا ہے تاکہ یہ یقینی بنایا جا سکے کہ نوجوان مایوس نہ ہوں اور انھیں مستقبل کے لیے مضبوط بنایا جا سکے۔‘‘

لوک سبھا انتخابات: مذہب کی ترقی نہیں ملک کی ترقی ہماری ترجیح ہونی چاہئے… سید خرم رضا

وزیر اعلیٰ سدارمیا نے کہا کہ ’’نائب وزیر اعلیٰ ڈی کے شیوکمار اور میں نے رندیپ سرجے والا کے ساتھ مل کر انتخابی منشور میں کیے گئے وعدے کے مطابق سبھی پانچ گارنٹیوں کو نافذ کیا ہے اور 70 ہزار نوجوان مردوں و خواتین نے یوا ندھی منصوبہ کے تحت رجسٹریشن کیا ہے۔‘‘ انھوں نے مزید کہا کہ ’’آنجہانی وزیر اعظم راجیو گاندھی نے ہمیشہ اس ملک کےنوجوانوں کے لیے اچھے مستقبل کا خواب دیکھا تھا۔ ہماری حکومت ان کی امیدوں کو پورا کرنے کے راستے پر چلے گی۔ میں ہر نوجوان سے اس منصوبہ کے تحت رجسٹریشن کرنے اور اس کا فائدہ اٹھانے کی اپیل کرتا ہوں۔‘‘

ರಾಜ್ಯ ಕಾಂಗ್ರೆಸ್ ಸರ್ಕಾರದ ಐದನೇ ಗ್ಯಾರಂಟಿ ಯುವನಿಧಿ ಯೋಜನೆಗೆ ಸಿಎಂ @siddaramaiah, ಕೆಪಿಸಿಸಿ ಅಧ್ಯಕ್ಷರು ಹಾಗು ಡಿಸಿಎಂ @DKShivakumar ಅವರು ಶಿವಮೊಗ್ಗದಲ್ಲಿ ಯುವಕ, ಯುವತಿಯರ ಖಾತೆಗೆ ಆನ್ ಲೈನ್ ಮೂಲಕ ಹಣ ವರ್ಗಾವಣೆ ಮಾಡುವ ಮೂಲಕ ಚಾಲನೆ ನೀಡಿದರು. ಸಚಿವರಾದ @S_PrakashPatil, ಮಧು ಬಂಗಾರಪ್ಪ, @thekjgeorge, ಮಾಂಕಾಳ ವೈದ್ಯ,… pic.twitter.com/kZ2PBrez6j

— Karnataka Congress (@INCKarnataka) January 12, 2024

اپنی بات کو آگے بڑھاتے ہوئے سدارمیا نے کہا کہ ’’آنجہانی وزیر اعظم راجیو گاندھی نے 1985 میں ملک میں سب سے پہلے وویکانند جینتی منانے کی روایت شروع کی تھی۔‘‘ انھوں نے مزید کہا کہ کانگریس حکومت نے غریبوں اور متوسط طبقہ کو معاشی و سماجی طور سے مضبوط بنانے کے مقصد سے عالمگیر بنیادی آمدنی کے اصولوں کے مطابق گارنٹی کو نافذ کیا ہے۔