سی جی ایل امتحان میں کوئی بے ضابطگی نہیں

تمام الزامات بے بنیاد ہیں، ہمیں جان سے مارنے کی دھمکیاں مل رہی ہیں:جے ایس ایس سی سکریٹری کا بیان

جدید بھارت نیوز سروس
رانچی، 14 دسمبر:۔ جے ایس ایس سی سکریٹری سدھیر کمار گپتا نے سنیچر کو ایک پریس کانفرنس میں کہا کہ سی جی ایل امتحان میں کسی قسم کی کوئی بے ضابطگی نہیں ہوئی ہے۔ ہر قسم کی چھان بین کے بعد وہ یہ کہنے کی پوزیشن میں ہیں کہ کوئی غلط کام نہیں ہوا ہے۔
عہدیداروں کو جان سے مارنے کی دھمکیاں ملی ہیں
انہوں نے یہ بھی کہا کہ حال ہی میں جے ایس ایس سی کے عہدیداروں کو جان سے مارنے کی دھمکیاں دی گئی ہیں۔ یہ دھمکی ای میل کے ذریعے دی گئی ہے۔سدھیر کمار گپتا نے مزید کہا کہ بے ضابطگیوں کا الزام لگانے والی مظاہرین کی طرف سے فراہم کردہ سی ڈی خالی پائی گئی۔
شکایت کنندگان نے کوئی حلف نامہ نہیں دیا
شکایت کنندگان کی جانب سے لگائے گئے الزامات کو حلف نامہ کے ذریعے دینے کو کہا گیا تھا، لیکن نہیں دیا گیا۔انہوں نے مزید کہا کہ شکایت میں لگائے گئے الزامات کی چھان بین کے بعد پتہ چلا کہ طالب علم مذکورہ سیٹ پر امتحان میں نہیں بیٹھا تھا۔ سوالیہ پرچہ وائرل ہونے کے بعد دستیاب تصویر شام 5 بجے کے بعد لی گئی تصویر ہے۔ کسی بھی ٹیسٹ کا نتیجہ نارمل پایا گیا ہے۔ ہر امتحانی مرکز سے امیدوار کامیاب ہوئے ہیں۔