امن ساہو گینگ کے کالو بنگالی سمیت تین جرائم پیشہ اسلحہ سمیت گرفتار

جدید بھارت نیوز سروس
رانچی، 12 مارچ:۔ رانچی پولیس نے امن ساہو گینگ کے کالو بنگالی عرف سمیر باغچی سمیت تین جرائم پیشہ کو گرفتار کیا ہے۔ ڈی آئی جی کم ایس ایس پی چندن سنہا کی ہدایت پر پولیس ٹیم نے کالو بنگالی، اجے سنگھ اور وسیم انصاری کو گرفتار کیا ہے۔ ان کے قبضے سے ایک پستول، دو دیسی ساختہ پستول، چار زندہ گولیاں اور ایک موٹر سائیکل برآمد ہوئی۔ قابل ذکر ہے کہ 7 مارچ کو امن ساہو گینگ نے تاجر وپن مشرا پر گولی چلائی تھی۔ جس کے بعد رانچی پولیس نے مختلف ٹیمیں تشکیل دے کر منظم مجرموں کے خلاف سخت چھاپے مارنے شروع کر دیے۔ اس دوران امن ساہو گینگ کے تین افراد پکڑے گئے ہیں۔ پکڑے گئے تمام افراد کی سابقہ مجرمانہ تاریخ ہے۔