رام گڑھ میونسپل کونسل میں آیوشمان آروگیہ مندر کے کامیاب آپریشن کو لیکر میٹنگ

جدید بھارت نیوز سروس
رام گڑھ،20جنوری، رام گڑھ میونسپل کونسل آفس کے آڈیٹوریم میں سوموار کو سہ پہر 3:30بجے میونسپل کونسل علاقہ کے تحت آیوشمان آروگیہ مندر اسپتال کے کامیاب آپریشن کے سلسلے میں ایک میٹنگ کا اہتمام کیا گیا۔ میٹنگ کی صدارت میونسپل کونسل کے ایگزیکٹو آفیسر منیش کمار نے کی۔ ایگزیکٹیو آفیسر منیش کمار نے کہا کہ میونسپل کونسل علاقہ میں آیوشمان آروگیہ مندر اسپتال میں لوگوں کو صحت کی بہتر سہولیات ملنی چاہئے۔ اس کے کامیاب آپریشن کے لیے آیوشمان آروگیہ سمیتی تشکیل دی گئی تھی۔ کمیٹی کے نوڈل آفیسر، ڈاکٹر، متعلقہ نرس، میونسپل کونسل ایریا کے تحت اسکول کے پرنسپل، پی ایچ ڈی ایس کے انجینئر اور سیلف ہیلپ گروپ کی خواتین کو کمیٹی میں شامل کیا گیا ہے۔ یاد رہے کہ میونسپل کونسل کے علاقے میں 8 آیوشمان آروگیہ مندر ہیں۔ ان میں آیوشمان آروگیہ مندر ڈگوار، آیوشمان آروگیہ مندر مرار، آیوشمان آروگیہ مندر ہیسلا، آیوشمان آروگیہ مندر سرکا، آیوشمان آروگیہ مندر گھٹوا، آیوشمان اروگیہ مندر تلیاتو، آیوشمان آروگیہ مندر مرامکلا، آیوشمان آروگیہ مندر سادی کا نام شامل ہے۔