وزیر اعلیٰ ہیمنت سے تلنگانہ کے ڈپٹی سی ایم نے ملاقات کی

تلنگانہ رائزنگ گلوبل سمٹ میں مدعو کیا

رانچی، 5 دسمبر:۔ [جدید بھارت نیوز سروس]تلنگانہ کے نائب وزیر اعلیٰ مالو بھٹی وکرمارکا نے جمعہ کو وزیر اعلیٰ ہیمنت سورین سے کانکے روڈ پر واقع چیف منسٹر کے رہائشی دفتر میں ملاقات کی۔ وکرمارکا نے چیف منسٹر کو حیدرآباد میں 8-9 دسمبر کو منعقد ہونے والے’”لنگانہ رائزنگ گلوبل سمٹ‘ میں شرکت کی دعوت دی۔ ملاقات کے دوران تلنگانہ اور جھارکھنڈ کے درمیان باہمی تعاون کے مختلف موضوعات پر خوشگوار بات چیت ہوئی۔ اس موقع پر جھارکھنڈ کانگریس کے انچارج کے راجو اور ریاستی کانگریس صدر کیشو مہتو کملیش موجود تھے۔