ایس پی امن کمار کے عہدہ سنبھا لتے ہی ریکارڈ سطح پر وارنٹیوں کی گرفتاری

پولیس کی 50 ٹیموں کی بیک وقت چھاپہ ماری، 57 جرائم پیشہ گرفتار اور 69 افراد حراست میں

جدید بھارت نیوز سروس
ہزاریباغ ، 23 ؍اپریل : ضلع پولیس ان دنوں ایکشن موڈ میں نظر آ رہی ہے۔ نئے ایس پی امن کمار نے عہدہ سنبھالتے ہی مفرور ملزمان کی گرفتاری کے لیے خصوصی مہم چلائی۔ اس مہم کے تحت 69 منچلوں کو پی آر بانڈ (PR Bond) پر وارننگ دیتے ہوئے چھوڑ دیا گیا ہے۔
کل 50 ٹیمیں تشکیل دی گئیں
ہزاری باغ ایس پی کی ہدایت پر 21 اور 22 اپریل کی درمیانی رات ضلع میں آوارہ گردی اور منچلے افراد کے خلاف خصوصی مہم چلائی گئی۔ اس مہم میں ضلع کے تمام تھانہ انچارجوں کی موجودگی میں کل 50 ٹیمیں تشکیل دی گئیں۔ ان ٹیموں میں 209 پولیس افسران اور اہلکاروں کو شامل کیا گیا۔ تشکیل دی گئی ٹیموں نے آوارہ گردی اور منچلوں کے کل 122 ٹھکانوں پر چھاپہ ماری کی۔ اس کارروائی کے دوران 69 منچلوں کو تھانے لایا گیا اور بعد میں انہیں تنبیہ کر کے پی آر بانڈ پر رہا کر دیا گیا۔
منچلوں کے خلاف فوری کارروائی
ہزاری باغ ایس پی امن کمار نے کہا کہ مستقبل میں بھی اسی طرح کی سخت کارروائی جاری رہے گی۔ ساتھ ہی عام لوگوں سے اپیل کی گئی ہے کہ وہ اپنے علاقے میں منچلوں یا آوارہ گردی کے مقامات کی اطلاع فوری طور پر قریبی تھانے کو دیں، تاکہ معلومات کی تصدیق کر کے ضروری کارروائی کی جا سکے۔
ایک ساتھ چھاپہ ماری کا اثر
ضلع میں مفرور مجرموں اور وارنٹیوں کے خلاف پولیس نے 20-21 اپریل کو بڑی مہم چلائی۔ ایس پی کے زیرِ قیادت پورے ضلع میں چھاپہ ماری کی گئی، جس میں ریکارڈ سطح پر مفرور وارنٹیوں کو گرفتار کیا گیا۔ اس مہم کے لیے 69 خصوصی ٹیمیں بنائی گئی تھیں جن میں 253 اہلکار شامل تھے۔ ان ٹیموں نے مختلف تھانہ علاقوں میں 200 ممکنہ ٹھکانوں پر بیک وقت دستک دی۔
مہم آگے بھی جاری رہے گی
اس آپریشن میں پولیس کل 57 مجرموں کو گرفتار کرنے میں کامیاب رہی۔ چھاپہ ماری کے دوران پولیس نے وارنٹوں کی تعمیل پر بھی زور دیا۔ مہم میں وارنٹ، ریکال، ضمانت اور خود سپردگی سے متعلق کل 118 معاملات کو نمٹایا گیا۔ اس کے علاوہ 11 اشتہار اور قرقی (منقولہ جائیداد کی ضبطی) کی کارروائی بھی مکمل کی گئی۔ پولیس حکام نے واضح کیا ہے کہ جرائم اور مجرموں کے خلاف یہ سخت مہم جاری رہے گی۔