مختلف کمیٹیوں نے کانفرنس کی تیاری کو لےکر جائزہ میٹنگ کی
جدید بھارت نیوز سروس
رانچی 30ستمبر: آل انڈیا مسلم پرسنل لا بورڈ کی جانب سے وقف کے تحفظ اور مرکزی حکومت کی جانب سے وقف بل کے خلاف ملک گیر مہم کے تحت 6 اکتوبر کو جھارکھنڈ کی ریاستی سطح پر “تحفظ اوقاف کانفرنس” کا انعقاد کیا جائے گا۔جس کے تحت پروگرام کی تیاری اور جائزہ اجلاس روزانہ رضاکاروں؍ ذیلی کمیٹی کے ساتھ منعقد کیے جا رہے ہیں۔ “تحفظ اوقاف کانفرنس” کی تیاری کے لیے کیمپ آفس؍ سواگتم کمیٹی آفس گلشن میرج ہال، کربلا چوک میں پروگرام سے متعلق تیاری اور جائزہ اجلاس پروگرام کے کوآرڈینیٹر مولانا پروفیسر ڈاکٹر یاسین قاسمی اور سواگتم کمیٹی کے ذمہ داروں کے ساتھ روزانہ شام کو ہورہیہے۔ اس سلسلے میں رضاکار؍ پروگرام مینجمنٹ انچارج ندیم خان، پروگرام کے خزانچی سیف الحق، سواگتم کمیٹی کے ڈاکٹر طلحہ ندوی، مفتی طلحہ ندوی، شہر قاضی قاری جان محمد مصطفیٰ کی موجودگی میں رضاکار سب کمیٹی کے انچارج حاجی ہاشم بھائی کی صدارت میں سواگتم تقریب کمیٹی کے دفتر (گلشن میرج ہال)، کربلا چوک، رانچی میں ہوئی۔ اجلاس میں تحفظ اوقاف کانفرنس سے متعلق رضاکار کمیٹی کو مختلف کاموں پر ذیلی کمیٹی بنا کر ذمہ داری سونپی گئی اور اس کا جائزہ لیا گیا اور باقی تمام کاموں کو ہم سب مل کر بخوبی مکمل کریں گے اور یک روزہ پروگرام کو کامیاب بنانے کے لیے راجدھانی رانچی کے تمام پنچایت؍ سماجی لوگو کو شامل کر کےرضاکاروں کے طور پر، وہ پروگرام میں اپنا مثبت اور بے ساختہ کردار ادا کریں گے۔ نوجوانوں نے اس پروگرام کو انجام دینے کا چارج سنبھال لیا ہے۔ اجلاس میں ایوب راجہ خان، ایس علی، معراج گدی، ایڈووکیٹ نصر امام، محمد اقبال، محمد زاہد، نیئر پرویز، منوّر علی بھٹو، سرور خان، محمد فہیم، امتیاز سونو، محمد رضوان خان، محمد وسیم خان، محمد بببر، اظہار انصاری،پرویز عمر، محمد امتیاز،زبیر خان، تنویر مجیب، جاوید اختر راجہ،انجینئر فاروق اعظم، رضوان انصاری، ڈاکٹر نازش حسن، راشد جمیل، عاشق الٰہی، ریحان احمد، صحافی عادل رشید، صحافی غلام شاہد، محمد ساجلی سمیت کئی لوگ موجود تھے۔
