لوک سبھا انتخابات: ووٹ شماری کے پیش نظر کانگریس کارکنان پُرجوش، دہلی واقع ہیڈکوارٹر میں لگایا گیا عالیشان ٹینٹ
لوک سبھا انتخاب کی ووٹ شماری سے ایک دن قبل جہاں ملک بھر میں پولنگ مراکز پر تیاریوں کو تکمیل تک پہنچایا جا رہا ہے، وہیں پیر کے روز کانگریس ہیڈکوارٹر میں بھی تیاریاں زوروں پر دیکھنے کو ملیں۔ پارٹی دہلی واقع ہیڈکوارٹر (24 اکبر روڈ) کے احاطہ میں ایک عالیشان ٹینٹ لگایا گیا ہے جہاں کولر کا بھی انتظام کیا گیا ہے۔
#WATCH | Preparations are underway at the AICC headquarters in Delhi ahead of the counting of votes for #LokSabhaElections2024 tomorrow, 4th June pic.twitter.com/LIL3uxhWH7
— ANI (@ANI) June 3, 2024
ووٹ شماری منگل کی صبح 8 بجے سے شروع ہوگی۔ ووٹ شماری پر نظر رکھنے کے لیے کانگریس ہیڈکوارٹر میں لگے عالیشان ٹینٹ میں ہی کئی اسکرین لگائے جائیں گے، جہاں پارٹی لیڈران اور کارکنان ایک ساتھ ووٹ شماری کا حال دیکھیں گے۔ کانگریس حامی افراد پارٹی کی ان تیاریوں کو انڈیا اتحاد کی جیت کی حالت میں جشن کی تیاری کے طور پر دیکھ رہے ہیں۔
واضح رہے کہ انتخابات کے بعد سامنے آئے بیشتر ایگزٹ پول میں بی جے پی کی قیادت والے این ڈی اے کو زبردست اکثریت ملنے کا اندازہ ظاہر کیا گیا ہے۔ این ڈی اے کو 350 سے زائد سیٹیں ملنے کا امکان ظاہر کیا جا رہا ہے۔ حالانکہ کانگریس اور انڈیا اتحاد کی دیگر پارٹیوں نے ایگزٹ پول کو خارج کر دیا ہے اور دعویٰ کیا ہے کہ اپوزیشن اتحاد اگلی حکومت تشکیل دے گا۔
Preparation almost done in Congress Headquarters for Tomorrow #ElectionsResults #LokSabhaElectionsResult #TollPlaza Morena #VoteCounting pic.twitter.com/s4i5T4mhRT
— Ashish Singh (@AshishSinghKiJi) June 3, 2024
کانگریس صدر ملکارجن کھڑگے نے آخری مرحلہ کی ووٹنگ کے بعد انڈیا اتحاد کے لیڈروں کے ساتھ میٹنگ کی تھی۔ اس کے بعد ہوئی پریس کانفرنس میں انھوں نے اپوزیشن اتحاد کو 295 سے زیادہ سیٹیں ملنے کا دعویٰ کیا ہے۔ دوسری طرف راہل گاندھی نے مختلف چینل کے ایگزٹ پول کو سرے سے خارج کرتے ہوئے انھیں ’مودی میڈیا پول‘ بتایا ہے۔ انھوں نے یہ بھی دعویٰ کیا ہے کہ ووٹ شماری کے بعد انڈیا اتحاد کو 295 سیٹیں ملنا طے ہے۔
