جدید بھارت نیوز سروس
رانچی، 15 ستمبر:۔ وزیر اعظم نریندر مودی اور جھارکھنڈ کے وزیر اعلی ہیمنت سورین نے اتوار کو ملاقات کی۔ دونوں رہنماؤں نے ایک دوسرے کا پرتپاک استقبال کیا۔ وزیراعلیٰ نے وزیراعظم کو تحائف بھی دیئے۔ کرما تہوار کی صبح وزیر اعظم نریندر مودی جھارکھنڈ کا دورہ کرنے آئے تھے۔ ان کا طیارہ صبح 9:05 پر رانچی کے برسا منڈا ہوائی اڈے پر اترا۔ خراب موسم کی وجہ سے فضائیہ کے ہیلی کاپٹر کو جمشید پور جانے کی اجازت نہیں دی گئی۔ وزیر اعظم کو جمشید پور کے سوناری ہوائی اڈے پر پرواز کرنا تھی۔ اجازت نہ ملنے کی وجہ سے انہیں برسا منڈا ایئرپورٹ پر دو گھنٹے سے زیادہ انتظار کرنا پڑا۔ اس سے پہلے وزیر اعلیٰ ہیمنت سورین نے ہوائی اڈے پر پی ایم مودی سے ملاقات کی۔ اس ملاقات کے دوران وزیر اعظم نریندر مودی اور جھارکھنڈ کے وزیر اعلیٰ نے ایک دوسرے کا استقبال کیا۔ ہیمنت سورین نے پی ایم مودی کو انگاوستر اور مورتی کا تحفہ بھی دیا۔ اس دوران دونوں رہنما خوشگوار موڈ میں نظر آئے۔
