ایم ایل اے پورنیما نیرج سنگھ نے مستحقین میں ایک کروڑ پچاس لاکھ روپے کے اثاثے تقسیم کئے
جدید بھارت نیوز سروس
دھنباد، 23ستمبر: جھریا میں واقع اگروال دھرم شالہ میں لیبر ڈپارٹمنٹ، اسسٹنٹ لیبر کمشنر آفس،لیبر ڈپارٹمنٹ، دھنباد کی جانب سے مزدوروں کے اعزاز میں تقریب کا انعقاد کیا گیا۔ اس پروگرام میں جھارکھنڈ بلڈنگ اینڈ کنسٹرکشن ورکرز بورڈ اور جھارکھنڈ غیر منظم مزدور سماجی تحفظ اسکیم کے تحت اثاثوں کی تقسیم کی گئی۔ اسسٹنٹ لیبر کمشنر پروین کمار نے سب سے پہلے جھریا کی ایم ایل اے مسز پورنیما نیرج سنگھ کو جو اس پروگرام میں بحیثیت مہمان خصوصی موجود تھیں، انہیں گلدستہ پیش کر کے اعزاز بخشا۔ تقریب کا باقاعدہ افتتاح محترم ایم ایل اے نے چراغ جلا کر کیا۔ اس پروگرام میں سب سے پہلے 20 مزدوروں کو ایم ایل اے نے مزدور اعزاز سے نوازا۔ اس کے علاوہ، مختلف اسکیموں کے تحت، DBT کے ذریعے مستحقین کے بینک کھاتوں میں 1 کروڑ 41 لاکھ 64 ہزار روپے کی رقم تقسیم کی گئی۔پروگرام سے خطاب کرتے ہوئے ایم ایل اے نے کہاکہ آپ کی سہولت کیلئے، میری ہدایات کے مطابق گزشتہ ماہ جھریا اسمبلی کے تمام وارڈز میں محکمہ لیبر کی جانب سے مفت کیمپ کا انعقاد کرتے ہوئے عمارت کی تعمیر اور غیر منظم ورکر لیبر کارڈ سمیت مختلف فوائد کے لیے رجسٹریشن کی گئی تھی۔آج کے پروگرام میں تقریباً 700 مزدوروں میں لیبر کارڈ تقسیم کیے گئے، 1759 عمارتی تعمیراتی کارکنوں میں 1 کروڑ 12 لاکھ 6 ہزار روپے کی رقم تقسیم کی گئی اور 454 غیر منظم مزدوروں کے کھاتوں میں 29 لاکھ 58 ہزار روپے کی رقم تقسیم کی گئی۔ کل رقم 1 کروڑ 41 لاکھ 64 ہزار روپے ہے۔ اس پروگرام میں ایم ایل اے کے نمائندے کے ڈی پانڈے، جھارکھنڈ غیر منظم مزدور یونین کے جنرل سکریٹری موفیز ساحل اور لیبر ٹرانسفارمیشن آفیسر منا رام بھی موجود تھے۔اس پروگرام میں شیکھر کمار کے علاوہ ستیندر کمار، منو کمار، پرمود کمار، متھیلیش کمار، اندرجیت کمار، محمد ذیشان، دیپانتی گپتا کے علاوہ مزدور رنجو دیوی،اتم کمار، نوپور دتہ، سمیر کمار دتہ، پمی رائے، سنیہا کور، کماری پرگتی، کماری اپرنا،رینو دیوی، ارمیلا گپتا، ساوتری پاسوان،نازیہ مہرو ادھیبھگت،چھوی سین، خوشبو سین کے علاوہ دیگر لوگ موجود تھے۔
