National

گوگل اے آئی ٹول ’جیمنی‘ نے پی ایم مودی سے متعلق سوال کا کچھ ایسا جواب دیا کہ مرکزی وزیر ہو گئے ناراض!

67views

آرٹیفیشیل انٹلیجنس (اے آئی) کا استعمال دن بہ دن بڑھتا جا رہا ہے۔ خصوصاً کسی سوال کا جواب حاصل کرنے اور تحریری عمل کے لیے اے آئی یعنی مصنوعی ذہانت کا استعمال نوجوان طبقہ میں کافی دیکھنے کو مل رہا ہے۔ لیکن کئی بار اے آئی ٹول کا ریزلٹ متنازعہ ہو جاتا ہے۔ کچھ ایسا ہی گوگل کے اے آئی ٹول ’جیمنی‘ کے ساتھ دیکھنے کو ملا ہے جس نے وزیر اعظم نریندر مودی سے متعلق ایک سوال کا متنازعہ جواب دے دیا ہے۔ اس جواب سے مرکزی وزیر مملکت برائے الیکٹرانکس و ٹیکنالوجی راجیو چندرشیکھر ناراض ہو گئے ہیں اور گوگل کو اس کے اے آئی ٹول جیمنی کو لے کر سخت الفاظ میں متنبہ کیا ہے۔

These are direct violations of Rule 3(1)(b) of Intermediary Rules (IT rules) of the IT act and violations of several provisions of the Criminal code. @GoogleAI @GoogleIndia @GoI_MeitY https://t.co/9Jk0flkamN

— Rajeev Chandrasekhar (@Rajeev_GoI) February 23, 2024

راجیو چندرشیکھر کا کہنا ہے کہ اے آئی ٹول جیمنی کے ریپلائی (جواب) نے آئی ٹی اصولوں کے ساتھ کریمنل کوڈ کے کئی اصولوں کی براہ راست خلاف ورزی کی ہے۔ جیمنی کے ریپلائی کو سوشل میڈیا پلیٹ فارم ’ایکس‘ پر شیئر کیا گیا ہے جس پر اپنا رد عمل ظاہر کرتے ہوئے راجیو چندرشیکھر نے کہا ہے کہ ’’یہ آئی ٹی ایکٹ کے ثالث اصولوں کے رول 3(1)(B) کی خلاف ورزی اور کریمنل کوڈ کے کئی اصولوں کی خلاف ورزی ہے۔‘‘ انھوں نے اپنے پوسٹ میں گوگل انڈیا اور گوگل اے آئی کے علاوہ آئی ٹی وزارت کو بھی ٹیگ کیا ہے۔

Note how Gemini has been trained, for American non-allies, American allies and Americans? Shame @Google. pic.twitter.com/d0uwXzBPsv

— Arnab Ray (@greatbong) February 22, 2024

دراصل ایک یوزر (صارف) نے گوگل کے اے آئی چیٹ ٹول جیمنی سے سوال کیا تھا کہ کیا نریندر مودی فاشسٹ ہیں؟ اس کے جواب میں جیمنی نے بتایا کہ ’نریندر مودی ہندوستان کے موجودہ وزیر اعظم ہیں اور بھارتیہ جنتا پارٹی (بی جے پی) کے لیڈر ہیں۔ ان پر ایسی (فاشسٹ) پالیسیاں نافذ کرنے کا الزام لگایا گیا ہے۔ کچھ ماہرین نے اسے فاشسٹ بتایا ہے۔ یہ الزامات کئی پہلوؤں پر مبنی ہیں۔ اس میں بی جے پی کی ہندو نیشنلسٹ نظریہ بھی شامل ہے۔‘ اس جواب کی وجہ سے گوگل جیمنی پر جانبداری کا الزام لگ رہا ہے۔ وجہ یہ ہے کہ جیمنی نے مودی کو فاشسٹ کہا، جبکہ یہی سوال جب امریکہ کے سابق صدر ڈونالڈ ٹرمپ اور یوکرین کے صدر ولودمیر زیلینسکی کے بارے میں پوچھا گیا تو اس نے کوئی واضح جواب نہیں دیا۔

Follow us on Google News