جدید بھارت نیوز سروس
جمشید پور، 20 دسمبر:۔ پولیس نے لوہے کے شہر جمشید پور کے کدما شاستری نگر میں کانگریس کارکن آلوک بھگت کے قتل کیس کا انکشاف کیا ہے۔ ایس ایس پی نے بتایا کہ قتل بالادستی کی لڑائی میں ہوا، اس معاملے میں پانچ نوجوانوں کو گرفتار کیا گیا ہے۔ جمشید پور پولیس نے کانگریس کارکن آلوک بھگت کے قتل کا انکشاف کیا ہے جو 18 دسمبر 2024 کو کڈما تھانہ علاقہ کے تحت شاستری نگر بلاک نمبر 4 کے قریب ہوا تھا۔ پولیس نے اس معاملے میں پانچ ملزمان کو گرفتار کیا ہے۔ اس بارے میں جمشید پور کے ایس ایس پی کشور کوشل نے جمعہ کو پریس کانفرنس کی اور میڈیا کے ساتھ معلومات شیئر کیں۔ایس ایس پی نے بتایا کہ گرفتار مجرموں میں چھوٹو بچہ عرف آکاش سنگھ بھی شامل ہے جس کے خلاف کئی مجرمانہ معاملے درج ہیں۔ شاستری نگر بلاک نمبر 4 کے وشال کمار، پنکج ساو، وکاس سنگھ اور نرمل کالونی کڈما کے شکتی وبھار شامل ہیں۔ پولیس نے گرفتار ملزمان سے 3 دیسی ساختہ پستول، ایک زندہ گولی اور 3 خول برآمد کر لیے ہیں۔ گرفتار ملزمان میں بی جے پی کا ایک حامی بھی شامل ہے۔ ایس ایس پی کشور کوشل نے کہا کہ ایس آئی ٹی نے 48 گھنٹے کے اندر پورے معاملے کو حل کر لیا ہے اور پانچ لوگوں کو گرفتار کیا ہے۔ مقتول کے بھائی نے 6 افراد کے خلاف بنیادی مقدمہ درج کرایا تھا۔
