West Bengal

بنگال کے لیے بہت خاص رہی درگا پوجا، سرکاری خزانے میں آئی بڑی رقم

77views

کولکاتا، 2 نومبر :۔ مغربی بنگال کی عالمی ثقافتی شناخت بن چکی درگا پوجا کئی حوالوں سے بہت خاص رہی ہے۔ ریاستی سکریٹریٹ کے ایک اہلکار نے کہا ہے کہ تہوار کے موسم میں کم از کم 85 ہزار کروڑ روپے کا کاروبار ہوا ہے۔ اس میں کم از کم تین لاکھ لوگوں کو روزگار ملا۔ سکریٹریٹ ذرائع نے بتایا ہے کہ برٹش کونسل درگا پوجا پر ایک اسٹڈی کر رہی ہے جس میں یہ بات سامنے آئی ہے کہ اس بار کم از کم 72 ہزار کروڑ روپے کا کاروبار ہوا ہے۔ تاہم ریاستی حکومت کے اعداد و شمار اس سے مختلف ہیں اور کم از کم 85 ہزار کروڑ روپے سے زیادہ کا کاروبار ہوا ہے۔ اس میں ریاستی حکومت نے ٹیکس کی شکل میں کم از کم 750 کروڑ روپے کمائے ہیں۔ مذکورہ اہلکار نے دعویٰ کیا ہے کہ ہر سال درگا پوجا کے کاروبار میں مسلسل اضافہ ہورہا ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.