ملکا ارجن کھڑگے نے منی پور کے بحران کو حل کرنے کے لیے صدر دروپدی مرمو کو خط لکھا
امپھال، 20 نومبر (یو این آئی) منی پور کے کچھ اضلاع میں بدھ کو صبح 5 بجے سے صبح 10 بجے تک کرفیو میں پانچ گھنٹے کی نرمی دی گئی۔کوکی عسکریت پسندوں کے ہاتھوں دو مردوں اور چھ خواتین اور بچوں کی ہلاکت کے بعد احتجاجی مظاہروں کے بعد امپھال ویسٹ، امپھال ایسٹ، بشنو پور، تھوبل، کاکچنگ اور جیری بام اضلاع میں کرفیو نافذ کر دیا گیا ہے۔کچھ وائٹ لسٹڈ کنکشنز کے علاوہ انٹرنیٹ سروسز بند رہیں۔ حکمران اور اپوزیشن کے قانون سازوں اور سول سوسائٹی نے مرکزی حکومت سے مطالبہ کیا ہے کہ وہ کوکی عسکریت پسندوں کے خلاف کارروائی کرے جو خواتین اور بچوں کو قتل کر رہے ہیں۔پیر کی رات وزیر اعلیٰ این بیرن سنگھ کی صدارت میں ہوئی میٹنگ میں مرکزی حکومت سے چھ پولیس اسٹیشنوں کے تحت آنے والے علاقوں میں افسپا کے نفاذ کا جائزہ لینے کی درخواست کرنے کا فیصلہ کیا گیا ۔میٹنگ نے مرکز سے کہا گیا کہ وہ جریبام میں چھ معصوم خواتین اور بچوں کے قتل کے ذمہ دار کوکی عسکریت پسندوں کے خلاف سات دنوں کے اندر اجتماعی آپریشن شروع کرے۔میٹنگ میں کہا گیا کہ جیری بام میں چھ معصوم میتئی خواتین اور بچوں کی موت، 7 نومبر کو جیری بام میں ایک ہمار خاتون کی موت اور 9 نومبر کو بشنو پور ضلع کے سیٹن میں میتی کی خاتون کسان کے قتل سے متعلق معاملات کو فوری طور پر نیشنل انویسٹی گیشن ایجنسی (این آئی اے) کے حوالے کیا جائے ۔اجلاس میں سات دنوں کے اندر چھ معصوم خواتین اور بچوں کے قتل کے ذمہ دار کوکی عسکریت پسندوں کو ایک ‘غیر قانونی تنظیم قرار دینے کا فیصلہ بھی کیا گیا۔ اگر مندرجہ بالا تجاویز کو مقررہ مدت کے اندر نافذ نہیں کیا جاتا ہے تو قومی جمہوری اتحاد (این ڈی اے) کے تمام ایم ایل ایز ریاست کے عوام کے ساتھ مشاورت کے بعد مستقبل کا لائحہ عمل طے کریں گے۔مرکزی اور ریاستی حکومتوں سے کہا گیا ہے کہ وہ منی پور میں امن اور معمول کو بحال کرنے کے لیے جلد از جلد تمام ضروری اقدامات کریں۔ دریں اثنا، ریاستی کانگریس لیڈر نے کہا کہ کانگریس کے صدر ملک ارجن کھڑگے نے منی پور کے بحران کو حل کرنے کے لیے صدر دروپدی مرمو کو خط لکھا ہے۔منی پور کوآرڈینیشن کمیٹی آن انٹیگریٹی (سی او سی او ایم آئی) نے حکومت سے کہا ہے کہ وہ معصوم لوگوں کے قتل کے ذمہ داروں کے خلاف کارروائی کرے۔ریاست کے بیشتر حصوں میں کرفیو نافذ ہے اور انٹرنیٹ بند ہے۔ ریاست میں کوکی عسکریت پسندوں کے خلاف کارروائی کا مطالبہ کرتے ہوئے ہزاروں مرد و خواتین نے احتجاجی مظاہرہ کیا۔ دریں اثنا، منگل کو چورا چند پور ضلع میں دس کوکی عسکریت پسندوں کے لیے ایک تابوت مارچ نکالا گیا۔ سینٹرل ریزرو پولیس فورس (سی آر پی ایف) نے جیری بام میں سی آر پی ایف اور پولیس کیمپ پر حملہ کرنے کے بعد ان عسکریت پسندوں کو مار گرایا تھا۔
