National

کانگریس تلنگانہ میں تمام لوک سبھا نشستوں پر کامیابی حاصل کرے گی: پونم پربھاکر

80views

حیدرآباد: تلنگانہ کے وزیر بہبود برائے پسماندہ طبقات پونم پر بھاکرنے کہا ہے کہ کانگریس تلنگانہ میں تمام لوک سبھا سیٹوں پر کامیابی حاصل کرے گی اور ملک میں اگلی حکومت کانگریس کی قیادت میں ہی بنے گی۔ اگر تلنگانہ کی 17نشستوں پر کانگریس کامیاب ہوتی ہے تو متحدہ آندھرا پردیش کی تقسیم کے موقع پر کئے گئے وعدوں پر عمل کو یقینی بنایا جائے گا۔

سب سے بدعنوان ممالک کی فہرست جاری، 180 ممالک میں ہندوستان کا 93 واں مقام

پونم پربھاکر نے کہا کہ وہ عوام سے اپیل کرتے ہیں کہ 17لوک سبھا نشستوں پر کانگریس کی کامیابی کو یقینی بنائیں۔ انہوں نے کہا کہ ریاست میں اوبی سی ذاتوں کی مردم شماری کا وعدہ پارٹی لیڈرراہل گاندھی نے انتخابات کے دوران کیا تھا ۔ آنے والے دنوں یہ کام پورا کیا جائے گا۔ ہم بی سی طبقہ کے ذمہ داروں سے بات کر رہے ہیں اور ان سے تجاویز حاصل کر رہے ہیں۔ انہوں نے کہا کہ پروفیسروں، دانشوروں اور بی سی ایسوسی ایشنس سے مناسب تجاویز طلب کی گئی ہیں۔

راہل گاندھی نے بہار کے کٹیہار میں روڈ شو کے ساتھ نیائے یاترا دوبارہ شروع کی، یاترا مغربی بنگال میں داخل

میڈیا سے بات کرتے ہوئے پونم پربھاکر نے کہا کہ حکومت نے ذات پر مبنی مردم شماری کے لیے ضروری فنڈز مختص کیے ہیں۔ او بی سی ذات کی مردم شماری کی قانونی حیثیت پر اسمبلی کے آئندہ اجلاس میں بحث کی جائے گی۔ انہوں نے کہا کہ حکومت اس بات کو یقینی بنانے کے لیے اقدامات کر رہی ہے کہ اس میں کوئی مشکل پیش نہ آئے۔ انہوں نے کہا کہ کمزور طبقات کو ان کا حق اور حصہ دینے کیلئے یہ اقدام کیا جارہا ہے۔

Follow us on Google News