West Bengal

ترنمول کے ساتھ ہمیشہ سیٹوں کی تقسیم کے معاہدہ کا خواہاں رہی: کانگریس

119views

کانگریس نے کہا ہے کہ وہ مغربی بنگال میں ترنمول کانگریس کے ساتھ سیٹوں کی تقسیم کے معاہدے کے حق میں رہی ہے، لیکن ترنمول نے تمام 42 لوک سبھا سیٹوں کے لیے امیدواروں کے ناموں کا اعلان کرتے ہوئے یکطرفہ فیصلہ کیا ہے۔

کانگریس میڈیا ڈپارٹمنٹ کے انچارج جے رام رمیش نے کہا کہ پارٹی نے ہمیشہ کہا ہے کہ سیٹوں کی تقسیم کے معاہدے کو بات چیت کے ذریعے حتمی شکل دی جانی چاہئے لیکن ترنمول کانگریس نے کانگریس کے موقف کو مسترد کرتے ہوئے یکطرفہ طور پر یہ اعلان کیا ہے۔ کانگریس نے ہمیشہ کہا ہے کہ انڈیا اتحاد کو مل کر بھارتیہ جنتا پارٹی (بی جے پی) کے خلاف لڑنا چاہیے۔

انہوں نے ٹویٹ کیا، “کانگریس نے بارہا مغربی بنگال میں ترنمول کانگریس کے ساتھ سیٹوں کی باعزت تقسیم کے معاہدے کا خواہاں رہی ہے۔” کانگریس کا ہمیشہ یہ موقف رہا ہے کہ اس طرح کے معاہدے کو مذاکرات کے ذریعے حتمی شکل دی جانی چاہیے نہ کہ یکطرفہ اعلان کے ذریعے۔ کانگریس ہمیشہ چاہتی تھی کہ انڈیا اتحاد مل کر بی جے پی کا مقابلہ کرے”۔

واضح رہے کہ ترنمول کانگریس نے آج مغربی بنگال کی تمام 42 لوک سبھا سیٹوں کے لیے انڈیا اتحاد کے لیے کوئی سیٹ چھوڑے بغیر اپنے امیدواروں کا اعلان کیا ہے۔ اس فہرست میں شامل نمایاں امیدواروں میں کرکٹر یوسف پٹھان اور کیرتی آزاد کے علاوہ اداکار شتروگھن سنہا اور لوک سبھا سے معطل رکن پارلیمنٹ مہوا موئترا شامل ہیں۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.