رانچی: مرکزی وزارت صحت نے سی آئی پی کے مستقل ڈائریکٹر ڈاکٹر بی داس کو ان کے عہدے سے ہٹا دیا ہے۔ شام 4 بجے ایک میل بھیج کر انہیں ہدایت کی گئی کہ وہ شام 5 بجے تک انسٹی ٹیوٹ کے سی ایم او (ایس اے جی) ڈاکٹر ترون کمار کو چارج سونپ دیں۔ اس پر فوری کارروائی کرتے ہوئے ڈاکٹر داس نے ڈاکٹر ترون کمار کو چارج دے دیا۔ ڈاکٹر داس کو فروری 2020 کے مہینے میں مستقل ڈائریکٹر کے طور پر منتخب کیا گیا تھا۔ خط میں اس بات کا کوئی ذکر نہیں ہے کہ ان سے چارج کیوں واپس لیا گیا۔ تاہم تقریباً ڈھائی سال قبل وزارت کو نرسنگ افسران کی تقرری کے حوالے سے کچھ شکایات موصول ہوئی تھیں۔ لیکن ابھی صرف ابتدائی تفتیش جاری ہے۔ ایسے میں تحقیقات مکمل ہونے سے پہلے ہی ان کو عہدے سے ہٹائے جانے کو لے کر ادارے میں گرما گرم بحث جاری ہے۔ جبکہ سی ایم او (ایس اے جی) ڈاکٹر ترون کمار کو دہلی کی وزارت، ایئرپورٹ ہیلتھ آرگنائزیشن وغیرہ میں طویل عرصے تک خدمات انجام دینے کے بعد اٹکی میں کھولے جانے والے نیشنل سینٹر فار ڈیزیز کنٹرول کے انچارج کے طور پر چند ماہ قبل بھیجا گیا ہے۔ اس وقت وہ سی آئی پی میں تعینات ہیں۔ صرف چند ماہ قبل ڈاکٹر داس نے انہیں انچارج انتظامی افسر بنایا تھا۔
