سیل آر ڈی سی آئی ایس نےپرتاپ پور چترا کیلئے موبائل میڈیکل یونٹ کا افتتاح کیا
رانچی 06 اکتو بر:صحت کی دیکھ بھال پر زور دینے کے ساتھ، SAIL RDCIS نے اپنے CSR بجٹ سے 40 لاکھ روپے میں ایک موبائل میڈیکل یونٹ خریدا۔ یہ موبائل میڈیکل یونٹ آشرے فاؤنڈیشن این جی او میڈیکل آفیسر پرتاپ پور چترا کی رہنمائی میں چلائے گا۔ اس موبائل میڈیکل یونٹ کا افتتاح 04 اکتوبر کو RDCIS کے اسپت بھون میں کیا گیا تھا۔ اس موقع پر ویجیلنس کمشنر مسٹر اے ایس راجیو اور حکومت ہند کے مرکزی ویجیلنس کمیشن کے سکریٹری مسٹر پی ڈینیئل موجود تھے، جبکہ سیل کی جانب سے چیئرمین امریندو پرکاش، ڈائریکٹر پرسنل مسٹر کے کے سنگھ، سی وی او مسٹر ایس این۔ گپتا، ای ڈی ویجیلنس شری سنجے شرما، ای ڈی سی ای ٹی شری ایس کے۔ ورما، ای ڈی آر ڈی سی آئی ایس شری ایس کے کر اور کئی سینئر افسران موجود تھے۔اس افتتاحی تقریب میں جھارکھنڈ حکومت کے سول سرجن چترا ڈاکٹر دنیش کمار نے بھی شرکت کی۔ ویجیلنس کمشنر اور سیل کے چیئرمین نے مل کر ایم ایم یو کی چابیاں آشرے فاؤنڈیشن اور سول سرجن کو سونپیں اور پھر ایم ایم یو کو جھنڈی دکھا کر پرتاپ پور چترا کو روانہ کیا۔ سیل آر ڈی سی آئی ایس کی سی ایس آر ٹیم 5 اکتوبر کو پرتاپ پور پہنچی اور اس نے یہ ایم ایم یو شری سنجیو کمار، میڈیکل آفیسر، کمیونٹی ہیلتھ سینٹر، پرتاپ پور کے حوالے کیا۔ میڈیکل آفیسر نے کہا کہ یہ ایم ایم یو ان کی ٹیم کو ہر گاؤں میں کیمپ لگانے میں کافی مدد کرے گا۔ پرتاپ پور کی آبادی ایک لاکھ سے زیادہ ہے اور سیل کی اس مدد سے اس علاقے کے لوگوں کو فائدہ ہوگا۔
