عوام نے حکومت کے ترقیاتی کاموں پر اپنی حمایت کی مہر ثبت کردی :غلام احمد میر
منشور میں شامل سات ضمانتیں پوری کی جائیں گی:کیشو مہتو کملیش
جدید بھارت نیوز سروس
رانچی، 23نومبر: جھارکھنڈ میں انڈیا گرینڈ الائنس کو مکمل اکثریت ملنے کے بعد لیڈروں اور عام کارکنوں نے کانگریس بھون میں جشن منایا۔ اس موقع پر لوگوں نے ایک دوسرے کو رنگ لگاکر، مٹھائیاں کھلا کر اور پٹاخے جلا کر خوشی کا اظہار کیا۔ اس موقع پر ریاستی کانگریس کے انچارج غلام احمد میر نے کہا کہ اتحاد کو بے پناہ حمایت دے کر عوام نے حکومت کے ترقیاتی کاموں پر اپنی حمایت کی مہر ثبت کردی ہے۔ جھارکھنڈ کے لوگوں نے واضح کر دیا ہے کہ یہاں تقسیم کی سیاست نہیں چلے گی بلکہ ترقی جھارکھنڈ کی ترجیح ہے۔ ریاستی کانگریس کے صدر کیشو مہتو کملیش نے عوام کا شکریہ ادا کیا اور کہا کہ جھارکھنڈ نے اس کی عزت کی حفاظت کی ہے۔ عوام نے مسلسل دوسری بار گرینڈ الائنس پر اپنے اعتماد کا اظہار کیا ہے اور ہم اس اعتماد پر پورا اتریں گے۔ ہماری طرف سے شروع کئے گئے عوامی فلاحی کاموں کو رفتار دی جائے گی۔ منشور میں شامل سات ضمانتیں پوری کی جائیں گی۔ اگلے 5 سالوں میں ترقی کے معنی بدل جائیں گے، جھارکھنڈ میں ترقی کی ایک لمبی لکیر کھینچی جائے گی، اس الیکشن میں پیسے کی طاقت پر افرادی قوت کی جیت ہوئی ہے۔ جن لوگوں نے عوام کا شکریہ ادا کیا اور جشن منایا ان میں ڈپٹی چیف منسٹر تلنگانہ بھٹی ملو، طارق انور ،کرشنا ،سبودھ کانت سہائے، رویندر سنگھ، راکیش سنہا، ستیش پال منجنی، سونال شانتی، امولیا نیرج کھلکو، ونے سنہا دیپو، جگدیش ساہو، ششی بھوشن رائے، ہرشی کیش سنگھ، کمار راجہ، امریندر سنگھ، ابھیلاش ساہو، راما کھلکھو، راجن ورما، کیدار پاسوان، گجیندر سنگھ، سنیل کمار سنگھ، ایشور آنند سلیم خان، پربھات کمار، نریندر لال گوپی، بھانو پرتاپ بڈائک، منظر مجیبی،پرویز عالم راجیو نارائن پرساد سمیت سینکڑوں لوگ شامل تھے۔
