کھورٹھا زبان کی ترقی کیلئے ہم سبھی کو آگے آنے کی ضرورت: متھرا مہتو
جدید بھارت نیوز سروس
بروااڈا/دھنباد ،25؍دسمبر: کھورٹھا کے شاعر آنجہانی شری نواس پانوری کا 104 واں یوم پیدائش لوہار بروا، بروااڈا میں بڑی دھوم دھام سے منایا گیا۔ اس موقع پر لوہاربروا میں کھورٹھا کوی سمیلن نیز اعزازی تقریب کا اہتمام کیا گیا۔ اس تقریب کی صدارت مدن موہن تورن نے کی اور اس کی نظامت کھورٹھا کے ادیب اور گیت نگار ونے تیواری نے کی۔ پروگرام کا آغاز کھورٹھا کے بالمیکی آنجہانی شری نواس پانوری جی کی تصویر پر گلپوشی کر کیا گیا۔ اس کے بعد میگزین کھورٹھاپتریکا پراس پھل ، سردھاک پھول کھورٹھا کے شعری مجموعے کی کتاب کا اجراء بھی ہوا۔ پروگرام کے مہمان خصوصی ٹنڈی کے ایم ایل اے متھرا پرساد مہتو نے کھورٹھا زبان بولنے والوں کو ہر ممکن تعاون دینے کی بات کی، مہمان خصوصی سندری کے سابق ایم ایل اے آنند مہتو نے کہا کہ سب کو زبان کے لیے آگے آنا ہوگا۔اس موقع پر کھورٹھا کے گیت نگار، شاعر اور مصنف ونے تیواری نے کہا کہ کھورٹھا زبان کی شناخت کھورٹھا کے پہلے شاعر آنجہانی شری نواس پانوری جی نے اپنی تحریروں سے کھورٹھا ادب کو مالامال کیا اور اسے ایک پہچان دلائی ۔ کروڑوں لوگوں کی مادری زبان کے احترام کے لیے زندگی بھر جدوجہد کی۔ پراس پھل کھورٹھا میگزین کے ایڈیٹر اور ادیب مہندر پربدھ جی نے ایک نظم سنائی۔ نیٹ انڈیا سووِدھا کارڈز لمیٹڈ کمپنی کے چیئرمین بھولامہتو نے کہا کہ کھورٹھا کو قومی سطح پر پہچان دلانے کے لیے ابھی بھی جدوجہد جاری ہے۔ نیتلال یادو نے کہا کہ کھورٹھا کی ترقی کے لیے ہر کسی کو جسم، دماغ اور پیسے سے اپنا حصہ ڈالنا چاہیے۔ نیتلال یادو نے کہا کہ زبان اور ثقافت کی ترقی کے لیے سب کو آگے آنا ہوگا، کھورٹھا گانے، موسیقی، ادب اور سنیما کی ترقی ابھی تک اس طرح نہیں ہوئی جس طرح ہونی چاہیے تھی۔ اس موقع پر ادیب، شاعر، گیت نگار ونے تیواری، پونیت ساو، نیتلال یادو، سلیمان انصاری، بھیم کمار، مدن موہن تورن، سروج تیواری، چترنجن گوپ ،سنجے ورنوال اور دیگر موجود تھے۔
