جدید بھارت نیوز سروس
رانچی، 27اکتوبر: ہوٹل کیپیٹل ریزیڈنسی رانچی میں بٹر فلائی چلڈرن اسپیشل اسکول، ہرمو روڈ، رانچی کا باقاعدہ افتتاح کیا گیا۔ اس موقع پر بات کرتے ہوئے بٹر فلائی اسکول کے ڈائریکٹر ڈاکٹر کندن کمار نے کہا کہ بٹر فلائی اسکول رانچی کے خصوصی بچوں کو ان کی ضروریات اور صلاحیتوں کے مطابق اچھی تعلیم فراہم کرنے اور انہیں بااختیار بنانے کے لیے شروع کیا گیا ہے۔ آج کے معاشرے میں ایسے بچے تقریباً ہر گھر میں دیکھنے کو مل رہے ہیں۔ ہمارے اسکول کا مقصد ان بچوں کی اندرونی خوبیوں کو سامنے لانا ہے جن میں کچھ معذوری ہے۔ افتتاح کے بعد رانچی ڈینٹل اینڈ پولی کلینک کے ڈائریکٹر ڈاکٹر چندن کمار نے بٹر فلائی اسکول کی تعریف کی اور کہا کہ اسکول جس طرح سے معذور بچوں کو پیار اور محبت سے تعلیم دے رہا ہے، اس کے ساتھ ساتھ وہ انہیں جسمانی اور ذہنی طور پر مضبوط کر رہی ہیں۔
