سمراٹ کابینہ کا بڑا فیصلہ؛63 ایجنڈوں کو منظوری

20 ہزار سے زائد نئی ملازمتوں کا راستہ صاف

جدید بھارت نیوز سروس
پٹنہ،29 اپریل :بہار کی سمراٹ چودھری کابینہ کا دوسرا اہم اجلاس بدھ کو ختم ہو گیا۔ اس اجلاس میں 63 اہم ایجنڈوں پر کابینہ کی مہر لگی ہے۔ وزیر اعلیٰ سمراٹ چودھری اور نائب وزیر اعلیٰ کی موجودگی میں ہونے والے اس اجلاس میں بنیادی ڈھانچے، تعلیم، صحت اور انتظامی اصلاحات کے حوالے سے کئی بڑے فیصلے لیے گئے۔ اس سے قبل 22 اپریل کو سمراٹ چودھری نے کابینہ کا اجلاس لیا تھا، جس میں 22 تجاویز کو منظوری دی گئی تھی، جن میں 11 نئے گرین فیلڈ سیٹلائٹ ٹاؤن شپ پر مہر لگائی گئی تھی۔
وزیر اعلیٰ بجلی صارف امدادی اسکیم کے تحت حکومت نے 27-2026 کے لیے 23,165کروڑ روپے منظور کیے ہیں، تاکہ بجلی صارفین کو سبسڈی ملتی رہے۔ اس کے علاوہ 20 ہزار سے زائد اسامیوں پر بھرتی کو منظوری دی گئی۔ کابینہ میٹنگ میں پٹنہ کے گردنی باغ میں آٹزم (Autism) سے متاثرہ بچوں کے علاج کے لیے ایک خصوصی ملٹی اسپیشلٹی سینٹر قائم کرنے کا فیصلہ لیا گیا ہے۔ غیر قانونی کان کنی اور نقل و حمل کو روکنے کے لیے معدنی قواعد میں ترمیم کو منظوری دی گئی۔
کابینہ کے اجلاس میں غیر قانونی کان کنی اور نقل و حمل کو روکنے کے لیے معدنی قواعد میں ترمیم کو منظوری دی گئی۔ جس کے بعد اب پتھر کی کان کنی کے پٹوں کی ای-نیلامی ہوگی۔ ریاست میں نشان زد پتھر کی کان کنی کے پٹوں کا بندوبست اب MSTC Limited کے ذریعے ای-نیلامی کے ذریعے ہوگا۔ سمراٹ چودھری کابینہ پرانے ٹریفک چالان نمٹانے کی اسکیم لے کر آئی ہے۔ اس میں 90 دن سے زیادہ پرانے ٹریفک چالانوں کے تصفیے کے لیے یکمشت ٹریفک چالان تصفیہ اسکیم 2026 لائی جائے گی۔