بہار میں بکسر-آرہ-پٹنہ ریل سیکشن کی، جانے والی لائن پر ٹرین خدمات شروع

بہار میں، نئی دلّی-پٹنہ-ہاوڑہ اصل روٹ پر ریل لائن کی بحالی اور مرمت کا کام جنگی پیمانے پر جاری ہے۔   بدھ کے روز بکسر کے رگھوناتھ پور میں آنند وہار-کاماکھیا نارتھ ایکسپریس پٹری سے اترگئی تھی۔ ریلوے کے عہدیداران نے کہاہے کہ 300 سے زیادہ مزدور، تکنیکی اور انجینئرنگ اہلکار ریل خدمات کو بحال کرنے کیلئے دن رات کام کر رہے ہیں۔ بہار میں ہوئے ریل حادثے کے سبب 31 سے زیادہ ٹرینیں منسوخ کردی گئی تھیں اور سبھی اہم ریل گاڑیاں تبدیل شدہ راستوں سے چل رہی تھیں۔ اِس ریل حادثے میں چار مسافروں کی جان گئی تھی۔