بھارت جوڑو نیائے یاترا: ’ہندوستان میں الگ الگ طریقے سے ناانصافی ہو رہی‘، بنگال میں راہل گاندھی کا خطاب
کانگریس کے سابق صدر راہل گاندھی کی ’بھارت جوڑو نیائے یاترا‘ کو بدھ کے روز بہار اور پھر مغربی بنگال میں عوام نے اپنی بھرپور حمایت دی۔ یاترا کے دوران جگہ جگہ مقامی باشندوں اور دکانداروں نے راہل گاندھی پر پھولوں کی بارش کر ان کا استقبال کیا۔ یاترا کے دوران جس طرح بڑی تعداد میں جمع لوگ اپنے فون سے ویڈیو بنا رہے تھے، اس سے سبھی کا جوش ظاہر ہو رہا تھا۔ یاترا اٹھارہویں دن بدھ کو بہار کے کٹیہار سے شروع ہوئی اور پھر بنگال میں داخل کر مالدہ پہنچی۔
बिहार में ‘सामाजिक न्याय’ केवल कांग्रेस और INDIA गठबंधन ही दे सकता है।
भारत जोड़ो न्याय यात्रा
न्याय का हक, मिलने तक ✊ pic.twitter.com/cH8KVz7LnG
— Congress (@INCIndia) January 31, 2024
یاترا کے دوران عوام کو خطاب کرتے ہوئے راہل گاندھی نے کہا کہ آج ہندوستان میں الگ الگ طریقے سے ناانصافی ہو رہی ہے۔ مودی حکومت معاشی ناانصافی، سماجی ناانصافی، خواتین کے خلاف ناانصافی، کسانوں کے خلاف ناانصافی، مزدوروں کے خلاف ناانصافی کر رہی ہے۔ کانگریس سابق صدر نے مزید کہا کہ ’بھارت جوڑو یاترا‘ میں کانگریس نے ’نیائے‘ جوڑا ہے۔ اس لفظ کے پیچھے معاشی انصاف اور سماجی انصاف ہے۔ سماجی انصاف کا اگلا انقلابی قدم ذات پر مبنی مردم شماری ہے۔ اس سے پتہ چلے گا کہ ملک میں او بی سی، دلت، قبائل، اقلیت اور جنرل طبقہ کے کتنے لوگ ہیں اور ان کے پاس کتنی دولت ہے۔ یہ ملک کا ایکسرے ہوگا۔
مغربی بنگال میں ’بھارت جوڑو نیائے یاترا‘ دوبارہ شروع، راہل گاندھی کا مرکزی حکومت پر حملہ
راہل گاندھی نے اپنی بات کو آگے بڑھاتے ہوئے کہا کہ آج دو تین ارب پتیوں کو ملک کی پوری پونجی دی جا رہی ہے۔ اس لیے کانگریس چاہتی ہے کہ ملک میں ذات پر مبنی مردم شماری ہو، جس سے غریب اور کمزور لوگوں کو فائدہ ملے۔ کانگریس لیڈر نے ملک کے موجودہ حالات کا بھی تذکرہ کیا اور کہا کہ کوئی بھی ملک بغیر بھائی چارہ کے ترقی نہیں کر سکتا۔ بی جے پی-آر ایس ایس کے لوگ ملک میں نفرت پھیلا رہے ہیں۔ اس لیے کانگریس اور انڈیا اتحاد بی جے پی-آر ایس ایس کے سامنے کھڑے ہیں، ہم انھیں نفرت نہیں پھیلانے دیں گے۔
मैं पश्चिम बंगाल के हर नागरिक से कहना चाहता हूं कि आप लोग देश को रास्ता दिखाते हैं, आप बुद्धिजीवी लोग हैं।
रबींद्र नाथ टैगोर जी, सुभाष चंद्र बोस जी और अमर्त्य सेन जी जैसी शख्सियत बंगाल से आती हैं।
ऐसे में आपकी जिम्मेदारी बनती है कि आप ‘नफरत की विचारधारा’ के खिलाफ खड़े हों।… pic.twitter.com/UZzwpMg997
— Congress (@INCIndia) January 31, 2024
مغربی بنگال کی عوام کو براہ راست مخاطب کرتے ہوئے راہل گاندھی نے کہا کہ آج ملک میں نظریات کی جنگ چل رہی ہے۔ میں مغربی بنگال کے ہر شہری سے کہنا چاہتا ہوں کہ آپ لوگ ملک کو راستہ دکھاتے ہیں، آپ دانشور لوگ ہیں۔ رابندر ناتھ ٹیگور جی، سبھاش چندر بوس جی اور امرتیہ سین جی جیسی شخصیات بنگال سے تعلق رکھتی ہیں۔ ایسے میں آپ کی ذمہ داری بنتی ہے کہ آپ آر ایس ایس کے نفرتی نظریہ کے سامنے متحد ہو کر کھڑے ہو جائیں اس سے جنگ لڑیں۔
