National

سماجوادی پارٹی کی ایک اور فہرست جاری، دو سیٹوں پر امیدواروں کا علان

74views

لکھنؤ: سماجوادی پارٹی نے جمعہ کو اتر پردیش میں لوک سبھا انتخابات 2024 کے لیے اپنی ایک اور فہرست جاری کر دی۔ سماجوادی پارٹی نے کوشامبی اور کشی نگر لوک سبھا حلقوں کے لیے امیدواروں کا اعلان کیا ہے۔ اطلاعات کے مطابق ایس پی نے کوشامبی سے پشپندر سروج اور کشی نگر سے اجے پرتاپ سنگھ عرف پنٹو سینتھوار کو امیدوار بنایا ہے۔

پشپندر سروج بی ایس پی کے قدآور لیڈر رہے ہیں اور سابق وزیر اندرجیت سروج کے بیٹے ہیں۔ دیگر پارٹیوں کی بات کریں تو کوشامبی سے بی جے پی نے ونود سونکر کو امیدوار بنایا ہے جبکہ بہوجن سماج پارٹی نے ابھی اعلان نہیں کیا ہے تاہم شبھم نارائن گوتن کا نام زیر بحث ہے۔

اس کے علاوہ بی جے پی نے کشی نگر لوک سبھا حلقہ سے موجودہ رکن پارلیمنٹ وجے دوبے کو موقع دیا ہے۔ انڈیا تحاد میں کانگریس کے ساتھ مل کر مقابلہ کر رہی سماجوادی پارٹی ریاست کی 63 سیٹوں پر الیکشن لڑے گی، جبکہ 17 سیٹوں پر انڈین نیشنل کانگریس امیدوار اتارے گی۔

سماجوادی پارٹی یوپی میں اب تک 50 سے زیادہ سیٹوں پر امیدوار اتار چکی ہے۔ وہیں 8 سیٹوں پر امیدوار تبدیل بھی کئے ہیں۔ یوپی میں الیکشن کمیشن نے 7 مراحل میں لوک سبھا انتخابات کرانے کا فیصلہ کیا ہے۔ ریاست میں پہلے مرحلے کی ووٹنگ 19 اپریل کو جبکہ آخری مرحلہ کی ووٹنگ یکم جون کو ہوگی۔ ووٹوں کی گنتی 4 جون کو کی جائے گی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.