زندگی میں کوئی نہ کوئی کھیل ضرور کھیلنا چاہیے تاکہ آپ صحت مند رہ سکیں:محمد نصر انصاری
جدید بھارت نیوز سروس
چترا، 21نومبر: چترا صدر بلاک کے تحت دھمنیا موڑ میں واقع برائٹ فیوچر پبلک اسکول میں سالانہ کھیلوں کا بڑے پیمانے پر انعقاد کیا گیا۔ اس پروگرام میں مولانا اسرائیل مظاہری مہمان خصوصی کے طور پر اور اجے سونی اور اسکول کے ڈائریکٹر نصر انصاری مہمان اعزازی کے طور پر موجود تھے۔ اس سالانہ کھیلوں کے مقابلے میں اسکول کے بچوں نے مختلف کھیلوں میں اپنی صلاحیتوں کے جوہر دکھائے۔اس ایونٹ میں جونیئر کلاسز کے لیے 50 میٹر ریس،بسکٹ ریس، میوزیکل چیئر ریس اور سینئرکلاس میں 200 میٹر ریس، چمچ ریس، رسی ریس، میتھ ریس، میوزیکل چیئر ریس، لمبی چھلانگ، ہائی جمپ وغیرہ بچوں نے خوب کھیلے۔ اس ایونٹ میں جونیئر کلاس میں شرکت کرنے والوں میں پہلی پوزیشن محمد فرید، طارق جمیل، سنجیت کمار، رادھیکا، دوسری پوزیشن یش کمار، عارف انصاری، مایا راج،محمد مناظر،محمد طفیل اور تیسری پوزیشن پت عفیفہ پروین، امیشا بھوکتا، ورشا کماری رہی۔ ہائر کلاس میں انوراگ کمار، علیشا بھوکتا، حنا پروین، محمد انور، محمد ارمان، محمد مکرم، زید علی، انوج کمار، یاسمین پروین، آشیہ پروین، محمد توصیف،جاسمن پروین، محمد شاد، محمد ریحان، انجلی کماری ، دوسرے نمبر پر اور محمد حسنین، راشی کماری، آفرین پروین اور تیسرے نمبر پر لکی کمار، محمد احتشام، ساکشی کماری رہے۔ تمام کامیاب شرکاء کو مہمانوں نے میڈلز اور اسناد سے نوازا۔ اس موقع پر اپنے خطاب میں ڈائریکٹر نے کہا کہ کھیلوں کا جذبہ رکھیں۔ کوئی کھیل کھیلیں،کھیلوں کیلئے نہ مت کہئے، کھیل کھیلنا اچھی تفریح ہے! کھیل آپ کو فٹ اور صحت مند رکھتے ہیں، پروگرام کو کامیاب بنانے میں اسکول کے ایسوسی ایٹ ٹیچرز رونق، سریندر کمار، پونم راج، سویٹی پاٹھک، منجو کماری، بشریٰ جبین، محمد سہیل اور اسکولی بچوں نے اہم کردار ادا کیا۔
