رانچی، 24اکتوبر: جھارکھنڈ پردیش راشٹریہ جنتا دل (ویمنس سیل) کی سابق ریاستی صدر رانی کماری نے جمعرات کو رانچی اسمبلی سیٹ سے آزاد امیدوار کے طور پر پرچہ نامزدگی داخل کیا۔ جب وہ اپنا پرچہ نامزدگی داخل کرنے کے لیے رانچی کلکٹریٹ گئی تو وہاں بڑی تعداد میں ناری شکتی سینا (گلابی گینگ) کے اراکین اور دیگر خواتین سماجی کارکن موجود تھیں۔ قابل ذکر ہے کہ رانی کماری گزشتہ تین دہائیوں سے راشٹریہ جنتا دل سے وابستہ ہیں۔ اس عرصے کے دوران وہ پارٹی کے کئی اہم عہدوں پر بھی فائز رہی ہیں۔ اس بار انہوں نے اسمبلی انتخابات میں رانچی سیٹ سے اپنا دعویٰ پیش کیا تھا۔ ان کے مطابق انہیں پارٹی سپریمو سے بھی گرین سگنل مل گیا تھا۔ لیکن اس کے باوجود انہیں ٹکٹ سے محروم ہونا پڑا۔ عظیم اتحاد کے امیدوار ڈاکٹر مہوا ماجی (جے ایم ایم) کو رانچی سیٹ سے ٹکٹ دیا گیا تھا۔ اس سے ناراض ہو کر رانی کماری نے اپنے عہدے اور پارٹی کی بنیادی رکنیت سے استعفیٰ دے دیا اور آزاد امیدوار کے طور پر الیکشن لڑنے کا فیصلہ کیا۔ رانی کماری کے آزاد امیدوار کے طور پر نامزدگی داخل کرنے کے بعد آر جے ڈی کیمپ میں خوف و ہراس ہے۔ اس موقع پر میرا دیوی، گنگا دیوی، گیتا دیوی، سشما دیوی، انیتا دیوی، کبوتری دیوی، سشما کماری، چنتا دیوی، سنیتا دیوی، بے بی دیوی، پرمیلا دیوی، خوشبو دیوی، سریتا دیوی، جیوتی دیوی، آشا دیوی، مالتی دیوی، پاروتی دیوی، سروج ٹوپو، سونا دیوی، لولن کچھپ، سونی دیوی، مونا ریکھا تگا،انجلی دیوی، ایشا جیسوال، پونم سونی، پریتی سونی کے علاوہ بڑی تعداد میں لوگ موجود تھے۔
