National

آندھرا پردیش کے وزیر اعلی جگن موہن ریڈی کے روڈ شو پر پتھراؤ، ان کی پیشانی پر چوٹ

82views

آندھرا پردیش کے وزیر اعلی  اور وائی ایس آر سی پی کے سربراہ  جگن موہن ریڈی کل یعنی 13 اپریل کی رات پتھر بازی میں زخمی ہوگئے۔ جگن موہن ریڈی پر یہ حملہ اجیت سنگھ نگر میں ہوا۔ روڈ شو کے دوران پتھراؤ میں سی ایم ریڈی کے ماتھے پر زخم آیا۔

وجئے واڑہ کے سنگھ نگر میں بس کے سفر کے دوران ایک نامعلوم شخص نے سی ایم جگن موہن ریڈی پر پتھر پھینکا۔ جگن کی بائیں آنکھ کے اوپر اس کی بھوں  پر معمولی چوٹ آئی۔ اس دوران ڈاکٹروں نے بس کے اندر ہی ان کا علاج کیا اور اس کے بعد انہوں نےمہم دوبارہ شروع کر دی گئی۔

وائی ​​ایس آر کانگریس پارٹی کے سربراہ ہفتہ کو اپنی میمنتھا سدھم (جس کا مطلب ہے ‘ہم تیار ہیں’) کے تحت بس میں انتخابی مہم چلا رہے تھے۔ اس دوران پھینکا گیا پتھر وزیر اعلیٰ کی بائیں بھوں  پر لگا اور  ان کی آنکھ  بال بال بچ گئی۔ میڈیکل رپورٹ میں کہا گیا ہے کہ زخم کی جگہ پر دو ٹانکے لگائے گئے ہیں۔

پارٹی ذرائع کا کہنا ہے کہ پتھر قریبی اسکول سے پھینکا گیا۔ وائی ​​ایس آر سی پی کے ایک رکن نے الزام لگایا کہ یہ حملہ ٹی ڈی پی اتحاد کی سازش ہو سکتی ہے۔ پارٹی کا کہنا ہے کہ اس طرح کی کارروائی ٹی ڈی پی سربراہ اور سابقوزیر اعلی چندرا بابو نائیڈو کی گھبراہٹ کو ظاہر کرتی ہے۔

آندھرا پردیش کی 175 اسمبلی سیٹوں اور 25 لوک سبھا سیٹوں پر 13 مئی کو انتخابات ہوں گے۔ وائی ​​ایس آر سی پی نے 2019 میں 151 اسمبلی سیٹیں اور 22 لوک سبھا سیٹیں جیتی تھیں۔ اس بار ریاست میں ٹی ڈی پی، بی جے پی اور جنا سینا کے درمیان اتحاد ہے۔ ریاست میں کانگریس کی قیادت جگن کی بہن شرمیلا کر رہی ہیں۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.