بہار سی ایس آر پالیسی بنانے والی ملک کی پہلی ریاست بنی

پٹنہ، 11 دسمبر: بہار کی نئی مطلع شدہ ریاستی “کارپوریٹ سماجی ذمہ داری” (CSR) پالیسی کو مؤثر بنانے کی سمت میں یونائیٹڈ نیشنز چلڈرن فنڈ (یونیسیف) اور چانکیہ انسٹی ٹیوٹ آف پبلک لیڈرشپ (سی آئی ایم پی) نے اہم قدم اٹھایا ہے۔بدھ کو پٹنہ میں منعقدہ پانچویں بین الاقوامی سی ایس آر کانفرنس (آئی سی سی ایس آر) کے دوران دونوں اداروں نے ایک اعلیٰ سطحی گول میز میٹنگ کا اہتمام کیا، جس میں بہار ریاستی سی ایس آر پالیسی 2025 کو مضبوط بنانے اور اس کے زمینی نفاذ پر تفصیلی بات چیت ہوئی۔ بہار ملک کی پہلی ریاست بن گئی ہے جس نے اپنی الگ ریاستی سی ایس آر پالیسی تیار کر کے مطلع کی ہے۔انڈین انسٹی ٹیوٹ آف کارپوریٹ افیئرس (آئی آئی سی اے) کے سابق ڈائریکٹر جنرل بھاسکر چٹرجی نے کہا کہ یہ پالیسی کارپوریٹ دنیا کو واضح سمت دیتی ہے، حالانکہ بہار میں سرمایہ کاری کو راغب کرنے کے لیے ترغیبی دفعات پر سنجیدگی سے غور کرنا ضروری ہے۔