جدید بھارت نیوز سروس
رانچی، 16 اکتوبر:۔ جھارکھنڈ تائیکوانڈو ٹیم پڈوچیری تائیکوانڈو اسپورٹس ایسوسی ایشن اور انڈین تائیکوانڈو فیڈریشن کے زیر اہتمام 18 سے 20 اکتوبر تک راجیو گاندھی اندور اسٹیڈیم، پڈوچیری میں منعقد ہونے والی 40ویں سینئر نیشنل تائیکوانڈو چیمپئن شپ کے لیے روانہ ہوگئی۔ ٹیم جھارکھنڈ تائیکوانڈو کے سینئر ممبر اور رانچی ضلع سکریٹری سید فاروق ندیم کوچ کی قیادت میں دھنباد-الپوزا ایکسپریس سے روانہ ہوئی۔ دیوگھر میں منعقدہ ریاستی چمپئن شپ میں دیوگھر، ہزاری باغ، رانچی، دھنباد، جمشید پور، گوڈا کے کھلاڑیوں کا انتخاب کیا گیا۔ جھارکھنڈ کی نمائندگی کرنے والے کھلاڑیوں میں اویناش نارائن سنگھ، آدتیہ نارائن سنگھ، روشن کمار چوہان، اتکرش سنگھ، ہرشیت راج، چیتن کمار، دیپک کمار، منجیت سنگھ، عاقب جاوید شامل ہیں۔ خواتین کھلاڑیوں میں بدھیشوری کماری، راجنندنی، نیرا کماری، انجلی کیشری شامل ہیں۔ جھارکھنڈ تائیکوانڈو کے سکریٹری نیرج کمار، نائب صدر منوج کمار، خزانچی بمبم کمار دیو، جوائنٹ سکریٹری ربیع الحسین، دلیپ کمار، راجیو رنجن، دیوگھر تائیکوانڈو کے صدر انوپ کمار، سرپرست جے سی راج نے تمام کھلاڑیوں کو مبارکباد دی۔ جیت کے لیے نیک تمنائیں بھی دیں۔
