National

راجستھان میں ٹرک سے ٹکرانے کے بعد کار میں لگی آگ، 2 بچوں سمیت 7 افراد زندہ جل گئے

74views

راجستھان کے چورو میں اتوار کو چورو-سالاسر ریاستی شاہراہ پر ایک ٹرک سے ٹکرانے کے بعد ایک کار میں آگ لگنے سے 4 اور 7 سال کی عمر کے دو بچوں سمیت سات افراد زندہ جل گئے۔ پولیس نے یہ اطلاع دی ہے۔

تھانہ انچارج سبھاش بکرنیا نے بتایا کہ کار سوار لوگ سالاسر بالاجی مندر میں پوجا کر کے واپس آ رہے تھے۔ انہوں نے بتایا کہ اطلاع ملنے کے بعد پولیس جائے حادثہ پر پہنچی اور فائر بریگیڈ کو بلایا جس نے آگ پر قابو پایا۔ مرنے والے اتر پردیش کے شہر میرٹھ کے رہنے والے تھے اور ان کی شناخت نیلم گوئل، آشوتوش گوئل، منجو بندل، ہاردک بندل، سواتی بندل، دیکشا اور ایک چار سالہ بچے کے طور پر ہوئی ہے۔

گاڑی میں گیس کٹ تھی جبکہ ٹرک میں روئی بھری ہوئی تھی۔ جب لاشیں نکالی جا رہی تھیں تو آدھا جلا ہوا موبائل فون ملا۔ افسران نے اس کی سم نکال کر دوسرے فون میں ڈالی جس کے فوراً بعد دوسری طرف والی خاتون نے بتایا کہ اس نے اپنی ماں کو فون کیا تھا جو سالاسر بالاجی سے واپس آرہی تھیں۔ اس سے پولیس کو مرنے والوں کی شناخت کرنے میں مدد ملی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.