گورنر کا عوامی رابطہ: ہاوڑہ میں چائے، گفتگو اور کھیل

ہوڑہ :گورنر سی وی آنند بوس نے جمعہ کی صبح 7 بجے ’جلترنگ‘ پروگرام کے تحت بابوگھاٹ سے پانی کے راستے ہوڑہ کا رخ کیا اور پھر ٹوٹو میں بیٹھ کر نذیرگنج کے چھوٹے گاؤں پہنچے جہاں انہوں نے عام دیہاتی ماحول میں مکمل گھل مل کر لوگوں سے بات چیت کی، دکان پر بیٹھ کر چائے پی، چینی کاںٹا کھیل کر مقامی لوگوں کو حیران کیا، ایک مندر میں پوجا کی اور گاؤں والوں کے مسائل سن کر فوری حل کی یقین دہانی کرائی؛ ریاست میں بدامنی کی خبروں کے پیشِ نظر گورنر نے حالیہ ہفتوں میں زمینی صورتحال خود دیکھنے کا فیصلہ کیا ہے۔اسی سلسلے میں وہ آج سنکریل اور بجباز کا بھی دورہ کریں گے، جبکہ گاؤں والوں کا کہنا ہے کہ گورنر کو اتنی نزدیکی سے دیکھ کر انہیں نئی امید ملی ہے کہ ان کے دیرینہ مسائل اب واقعی حل ہوں گے۔