طوفان “منتھا” بنگال کے قریب، آئندہ ہفتے شدید بارش اور سیلاب کا خطرہ

کولکاتہ،:درگا پوجا اور کالی پوجا کے اختتام کے بعد تہوار کا موسم ختم ہو چکا ہے، لیکن بارش کا سلسلہ ابھی ختم نہیں ہوا۔ خلیج بنگال میں ایک نیا گہرا ڈپریشن بن رہا ہے، جو آنے والے دنوں میں سائیکلون منتھا کی شکل اختیار کرے گا۔علی پور کے محکمہ موسمیات کے مطابق، یہ طوفان پیر تک وجود میں آ جائے گا اور آندھرا پردیش کے ساحل کی طرف بڑھ سکتا ہے۔ ہفتہ کو موجودہ ڈپریشن راتوں رات گہرا ڈپریشن بن جائے گا، جبکہ اتوار تک یہ انتہائی گہرے ڈپریشن میں تبدیل ہو جائے گا۔اس طوفان کے اثرات کے پیش نظر جگدھاتری پوجا کے دوران بارش کا خطرہ بھی موجود ہے۔ پیر سے آندھرا پردیش اور تمل ناڈو کے ساحل پر طوفان کی پیش گوئی کی گئی ہے، جس کے باعث بنگال میں بھی بارش ہوگی۔ کولکاتہ اور ہگلی میں ہلکی سے درمیانی بارش کی توقع ہے، جبکہ اگلے ہفتے منگل، بدھ اور جمعرات کو ریاست کے کئی اضلاع میں شدید بارش کی وارننگ جاری کی گئی ہے۔ سمندری طوفان کے سبب ساحل پر تیز ہوائیں چلنے کا امکان ہے، اور ماہی گیروں کو منگل سے گہرے سمندر میں جانے سے منع کر دیا گیا ہے۔