کولکاتہ میٹرو میں پھر خودکشی

کولکاتہ، 22 نومبر :۔ کولکاتہ میٹرو میں خودکشی کا ایک اور معاملہ سامنے آیا ہے جسے میٹرو پولیٹن کولکاتہ کی لائف لائن کہا جاتا ہے۔ بدھ کی صبح ایک مسافر نے رویندر سروور اور مہانائک اتم کمار میٹرو اسٹیشنوں کے درمیان ٹرین کے سامنے کود کر خودکشی کرلی۔میٹرو ریلوے کے ایک اہلکار نے بتایا کہ بدھ کی صبح 9:45 پر ایک میٹرو موٹر مین نے رویندر سروور مہانائک اتم کمار میٹرو اسٹیشن کے درمیان لاش پڑی دیکھی۔ انتظامیہ کو اس بارے میں آگاہ کیا گیا۔ اسے باہر اسپتال لے جایا گیا جہاں ڈاکٹروں نے جانچ کے بعد اسے مردہ قرار دے دیا۔ حادثے کی وجہ سے صبح 10:15 بجے کے قریب بجلی بند ہوگئی اور لاش کو باہر نکالا گیا۔ جس کی وجہ سے میٹرو سروس کچھ دیر کے لیے متاثر رہی ۔ تاہم، صبح 11 بجے تک سروس معمول پر آ گئی تھی۔ مرنے والے کی شناخت تاحال نہیں ہو سکی ہے۔ اس نے خودکشی کیسے کی اس کی تحقیقات شروع کر دی گئی ہیں۔