ہائیکو (چین)، 21 دسمبر (یو این آئی) ہندوستان کے وشنو سرونن نے ایشین اوپن چیمپئن شپ 2024 سیلنگ مقابلے میں مردوں کے ڈنگی ایونٹ میں کانسے کا تمغہ جیت لیا ہے۔دو بار کے اولمپین اور ہانگژو ایشین گیمز 2023 کے برونز میڈلسٹ وشنو سرونن نے خراب صحت کے باوجود اپنی 10 ریسوں سے 36 نیٹ پوائنٹس حاصل کیے اور فیلڈ آف 47 میں تیسرے نمبر پر رہے۔ملیشیا کے خیرالنظام آفندی نے مجموعی طور پر 28 پوائنٹس کے ساتھ گولڈ میڈل جیتا جبکہ ہانگ کانگ چین کے نکولس ہالیڈے نے 30 پوائنٹس کے ساتھ چاندی کا تمغہ جیتا۔ وشنو سرونن نے سیریز آف 10 کی فائنل ریس جیتی، جب کہ ریس پانچ میں وہ 16 ویں نمبر پر رہے، جو ان کی سب سے خراب کارکردگی تھی۔فاروق تارا پور کے بعد اس سال وشنو سرونن ایک سے زیادہ اولمپک گیمز میں سیلنگ میں ہندوستان کی نمائندگی کرنے والے دوسرے کھلاڑی بنے۔ انہوں نے ٹوکیو 2020 اور پیرس 2024 میں شرکت کی۔ ایک اور ہندوستانی اولمپیئن، نیترا کمان، ہائیکو میں خواتین کے ڈنگی ایونٹ میں کل 77 پوائنٹس کے ساتھ آٹھویں نمبر پر رہیں۔
