بنگلورو، 14 اکتوبر (یو این آئی) ہندوستانی کرکٹ ٹیم کے کوچ گوتم گمبھیر نے وراٹ کوہلی کی تعریف کرتے ہوئے کہا ہے کہ رن بنانے کی بھوک پہلے کی طرح برقرار ہے اور ایک دہائی سے زیادہ وقت گزرنے کے بعد بھی ان کے اندر رنز بنانے کی خواہش کم نہیں ہوئی ہے۔ٹیم انڈیا کے سابق سلامی بلے بازگوتم گمبھیر نے نیوزی لینڈ کے خلاف چناسوامی اسٹیڈیم میں 16 اکتوبر سے شروع ہونے والے پہلے ٹیسٹ سے قبل کوہلی کی لگن کی تعریف کی۔ وراٹ ٹیسٹ کرکٹ میں 9,000 رنز بنانے کے قابل ذکر سنگ میل کو حاصل کرنے کے بہت قریب ہیں۔گمبھیر نے وراٹ کے ابتدائی دنوں کو یاد کرتے ہوئے، یواین آئی کے سوال کا جواب دیتے ہوئے کہا، “مجھے سری لنکا میں اپنے پہلے ٹیسٹ میں ان کے ساتھ اوپننگ کرنا یاد ہے۔ ان کی رن بنانے کی بھوک ہمیشہ رہتی ہے، اور یہی چیز انہیں عالمی معیار کا کرکٹر بناتی ہے۔ وراٹ اپنے عزم کے لیے جانے جاتے ہیں اور انہوں نے مسلسل ثابت کیا ہے کہ ان کی کامیابی کے لئے بھوک کبھی ختم نہیں ہوتی۔ گمبھیر نےاس پر زور دیتے ہوئے کہا، “ ان کی ہمیشہ زیادہ رن بنانے کی خواہش رہتی ہے اور ان کی یہ بھوک کبھی کم نہیں ہوتی ۔ مجھے یقین ہے کہ وہ ہندوستان اور آسٹریلیا کے دورے میں آنے والی سیریز میں بلے سے زیادہ رنز بنانے کے خواہشمند ہوں گے۔ انہوں نے کہا کہ ہندوستان تین میچوں کی گھریلوٹیسٹ سیریز کے لیے تیار ہے جس کے بعد آسٹریلیا کا ایک مشکل دورہ ہوگا۔ وراٹ کا تجربہ اور ٹیم کے لیے ان کی لگن اہم ثابت ہوگی۔وراٹ نے اپنے ٹیسٹ کیریئر میں اب تک 114 میچ کھیلے ہیں اور 8871 رنز بنائے ہیں جس میں 29 سنچریاں اور سات ڈبل سنچریاں شامل ہیں۔ انہیں 9000 رنز کا ہندسہ عبور کرنے کے لیے 140 رنز درکار ہیں۔
17
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.
You Might Also Like
دوسری اننگ:ہندستان نے تین وکٹ پر 231 رن بنائے
بنگلورو، 18 اکتوبر (یو این آئی) سرفراز خان (70 ناٹ آؤٹ)، وراٹ کوہلی (70) اور کپتان روہت شرما (52) کی...
پاکستان کی ہوم گراؤنڈ پر 2021 کے بعد پہلی جیت
ملتان ٹیسٹ میں انگلینڈ کو 152 رن سے شکست دی، نعمان علی نے 8 وکٹیں حاصل کیں اسلام آباد، 18...
راجستھان :چوتھے قومی ڈس ابیلڈ کرکٹ T20 کا پہلا میچ
جھارکھنڈ ٹیم نے ہماچل پردیش کو 9 وکٹوں سے شکست دی جدید بھارت نیوز سروسرانچی، 18؍اکتوبر: رانچی کی جھارکھنڈ ڈس...
بنگلورو ٹیسٹ میں نیوزی لینڈ کو 134 رن کی برتری حاصل
دوسرے دن اسٹمپ پر اسکور 180/3: انڈیا پہلی اننگ میں 46 رن پر آل آؤٹ ہوا بنگلورو، 17 اکتوبر (یو...