نئی دہلی، 15 نومبر (یو این آئی) کانگریس صدر ملکارجن کھڑگے اور لوک سبھا میں اپوزیشن لیڈر راہل گاندھی نے پانی، جنگل، زمین اور قبائلی تہذیب کے تحفظ کی جدوجہد میں انگریزوں کے دانٹ کھٹے کرنے والے بھگوان برسا منڈا کو ان کی یوم پیدائش پر خراج عقیدت پیش کیا۔مسٹر کھڑگے نے کہا “ابووا راج ایتے جانا، مہارانی راج ٹنڈو جانا۔ پانی، جنگل، زمین اور قبائلی تہذیب و ثقافت کے تحفظ کے لیے برطانوی راج کے خلاف بغاوت کرنے والے عظیم مجاہد آزادی، دھرتی آبا بھگوان برسا منڈا جی کے ان کے یوم پیدائش پر ہم کو خراج عقیدت پیش کرتے ہیں ۔ وہ کروڑوں ہندوستانیوں کے لیے تحریک کا ذریعہ ہیں اور رہیں گے۔‘‘انہوں نے جھارکھنڈ کے یوم تاسیس پر ریاست کے لوگوں کو بھی مبارکباد دی اور کہا ’’قدرتی وسائل سے مالا مال جھارکھنڈ ریاست کی تمام بہنوں اور بھائیوں کو جھارکھنڈ کے یوم تاسیس پر دل کی گہرائیوں سے مبارکباد۔ دعا ہے کہ آنے والا کل سب کے لیے خوشگوار، خوشحال اور خوشیوں سے بھرا ہو، ہماری یہی خواہش ہے۔‘‘مسٹر گاندھی نے کہا ’’عظیم قبائلی رہنما، دھرتی آبا بھگوان برسا منڈا جی کو ان کی یوم پیدائش پر خراج عقیدت۔ قبائلی شناخت کے لیے ان کی جدوجہد اور پانی، جنگل اور زمین کے تحفظ کے لیے ان کی قربانی ہمیں ہمیشہ ترغیب دیتی رہے گی۔‘‘
