مرکزی حکومت کے پاس ایسی کوئی رقم بقایا نہیں ہے: مودی حکومت کے وزیرکا جواب
وزیر اعلیٰ ہیمنت سورین نے ریاست کے اراکین پارلیمنٹ سے اپنی آواز بلند کرنے کی اپیل کی
جدید بھارت نیوز سروس
رانچی، 17 دسمبر:۔ ریاستی وزیر اعلیٰ ہیمنت سورین نے جھارکھنڈ حکومت کے ایک لاکھ 36 ہزار کروڑ روپے کے واجبات کو ادا کرنے سے مرکزی حکومت کے انکار پر بی جے پی کے ممبران پارلیمنٹ سے اپیل کی ہے۔ وزیر اعلیٰ نے اپنے سوشل میڈیا اکاؤنٹ پر لکھا ہے۔ یہ بقایا رقم جھارکھنڈ کی ترقی کے لیے بالکل ضروری ہے۔
لوک سبھا میں مودی حکومت کے وزیر کا جواب
سوموار کو پورنیا کے رکن پارلیمنٹ راجیش رنجن عرف پپو یادو کے لوک سبھا میں پوچھے گئے سوال کے جواب میں مرکزی حکومت نے کہا کہ جھارکھنڈ کا مرکزی حکومت پر کوئی واجبات نہیں ہے۔ رائلٹی کے 1.36 لاکھ کروڑ روپے بقایا نہیں ہیں۔ مرکزی حکومت کے اس جواب کے بعد اس معاملے کو لے کر مرکز اور ریاست کے درمیان تنازعہ بڑھنے کا امکان ہے۔ قابل ذکر ہے کہ جھارکھنڈ کے لیے یہ ایک بڑا مسئلہ ہے، جس میں برسوں سے کہا جا رہا ہے کہ مرکزی حکومت پر ایک لاکھ 36 ہزر کروڑ روپے کی رائلٹی واجب الادا ہے، جسے واپس کیا جانا چاہیے۔
پپو یادو نے سوال اٹھایا تھا
معلومات کے مطابق، آزاد رکن پارلیمنٹ پپو یادو نے لوک سبھا میں یہ سوال اٹھایا تھا کہ کوئلہ سمیت کانوں سے حاصل ہونے والے 1.36 لاکھ کروڑ روپے مرکزی حکومت کے پاس بقایا ہیں۔ مرکزی حکومت اسے جھارکھنڈ حکومت کو نہیں دے رہی ہے۔ اس سوال کے جواب میں مرکزی وزیر مملکت برائے خزانہ پنکج چودھری نے کہا کہ مرکزی حکومت کے پاس ایسی کوئی رقم بقایا نہیں ہے۔ مرکزی حکومت جھارکھنڈ کے ساتھ کسی بھی طرح سے امتیازی سلوک نہیں کرتی ہے۔
وزیراعلیٰ نے 24 ستمبر کو وزیراعظم کو خط لکھا
قابل ذکر ہے کہ اس سال 24 ستمبر کو ریاست کے وزیر اعلی ہیمنت سورین نے وزیر اعظم نریندر مودی کو خط لکھ کر یہ مسئلہ اٹھایا تھا۔ انہوں نے یہ بھی درخواست کی تھی کہ مرکزی حکومت جھارکھنڈ کے 1.36 لاکھ روپے کے واجبات ادا کرے۔ اس وقت کے چیف سکریٹری نے اس سلسلے میں مرکزی حکومت کو خط بھی لکھا تھا۔ خط میں کہا گیا کہ واجبات کی یہ رقم کوئلہ کمپنیوں کے ذمے واجب الادا ہے۔ قواعد کے مطابق کوئلہ کمپنیوں کو اس کی ادائیگی کرنی چاہیے لیکن وہ ایسا نہیں کر رہی ہیں۔
جے ایم ایم نے اسمبلی انتخابات میں بڑا ایشو بنایا
وزیر اعلیٰ ہیمنت سورین کے وزیر اعظم کو خط لکھنے کے بعد جھارکھنڈ مکتی مورچہ نے اسمبلی انتخابات سے پہلے اسے بڑا مسئلہ بنا دیا تھا۔ ریاست بھر میں بڑے بڑے ہورڈنگس لگائے گئے تھے، جس میں مرکز سے 1.36 لاکھ کروڑ روپے کا مطالبہ کیا گیا تھا۔ جے ایم ایم کہتی رہی ہے کہ اگر مرکزی حکومت یہ رقم دیتی ہے تو اسے جھارکھنڈ کے غریبوں پر خرچ کیا جائے گا۔ سرکاری اسکیموں کا جال گاؤں گاؤں پھیلایا جائے گا۔
