ہندوستانی خاتون ٹیم نے انڈر 19 ٹی 20 ورلڈ کپ میں ویسٹ انڈیز کو نو وکٹوں سے دی شکست
کوالالمپور، 19 جنوری (یو این آئی) پارونیکا سسودیا (تین وکٹ)، آیوشی شکلا اور وی جے جوشیتا (دو دو وکٹ) کی شاندار گیند بازی کے بعد سانیکا چلکے (18ناٹ آؤٹ) اور جی کمالینی (16ناٹ آؤٹ) کی بہتری اننگز کی بدولت ہندوستانی خاتون ٹیم نے اتوار کو انڈر 19 ٹی20 ورلڈ کپ میں ویسٹ انڈیز کو نو وکٹوں سے شکست دی۔آج ہندوستانی ٹیم نے ٹاس جیت کر پہلے گیند بازی کا فیصلہ کیا۔ بیٹنگ کے لیے آنے والی ویسٹ انڈیز کی ٹیم ہندوستانی بالنگ اٹیک کے سامنے ٹھہر نہ سکی۔ ہندوستانی گیند بازوں نے ویسٹ انڈیز کی ٹیم کو محض 13.2 اوور میں 44 کے اسکور پر ڈھیر کردیا۔ آسابی کالینڈر (12) اور کینیکا کسار (15) کے علاوہ ویسٹ انڈیز کی کوئی اور بلے باز ڈبل فیگرز تک نہیں پہنچ سکی۔ہندوستان کے لیے تیز گیند باز وی جے جوشیتا نے ایک ہی اوور میں دو وکٹ حاصل کئے جبکہ بائیں ہاتھ کی اسپن جوڑی آیوشی شکلا اور پرونیکا سسودیا نے لگاتار دو اوورز کے وقفے میں دو وکٹ لے کر 5.1اوور میں ویسٹ انڈیز کا اسکور 17 پر چار وکٹ کردیا۔ اس کے بعد ہندوستانی کھلاڑیوں نے ویسٹ انڈیز کے تین کھلاڑیوں کو رن آؤٹ کیا۔اس کے بعد ہندوستان نے جی ترشا (4) کا وکٹ گنوانے بعد جی کمالینی (16 ناٹ آؤٹ) اور سانیکا چلکے (16 ناٹ آؤٹ) نے مل کر پانچویں اوور کی دوسری گیند پر 47 رن بنا کر میچ جیت لیا۔ویسٹ انڈیز کی جانب سے واحد وکٹ جی کلاسٹن نے حاصل کیا۔
