بیجنگ، 18 اکتوبر(اے یوایس) چین نے ممبئی میں تائیوان کے تائی پے اکنامک اینڈ کلچرل سینٹر کے حال ہی میں قائم کیے گئے دفتر پر ہندوستان کے ساتھ سفارتی احتجاج درج کرایا ہے۔ چین کی وزارت خارجہ کے ترجمان ماؤ ننگ نے جمعرات (17 اکتوبر 2024) کو ایک سوال کے جواب میں کہا، دنیا میں صرف ایک چین ہے اور تائیوان چین کی سرزمین کا ایک لازم و ملزوم حصہ ہے۔انہوں نے کہا کہ چین تائیوان اور اس کے ساتھ سفارتی تعلقات برقرار رکھنے والے ممالک کے درمیان تمام قسم کے باضابطہ رابطے اور مواصلات کی سختی سے مخالفت کرتا ہے، بشمول باہمی نمائندہ دفاتر کا قیام کے۔ ہم نے ہندوستان سے شدید احتجاج درج کرایا ہے۔ چینی وزارت خارجہ کے ترجمان ماؤ نے کہا کہ ہندوستانی فریق نے ایک چین کے اصول پر سنجیدہ سیاسی عہد کیا ہے اور یہ چین ہندوستان تعلقات کی سیاسی بنیاد کے طور پر کام کرتا ہے۔انہوں نے کہا، چین ہندوستانی فریق پر زور دیتا ہے کہ وہ اپنے وعدوں کی سختی سے پابندی کرے اور تائیوان سے متعلق مسائل کو منصفانہ اور مناسب طریقے سے حل کرے۔” بھارت کو تائیوان کے ساتھ کسی قسم کی سرکاری بات چیت نہیں کرنی چاہیے اور چین بھارت تعلقات کو بہتر بنانے کے عمل میں رکاوٹ ڈالنے سے گریز کرنا چاہیے۔ ہندوستان میں ٹی ای سی سی نے بدھ کو ممبئی میں ایک شاخ کھولی، جس سے ہندوستان میں اپنے دفاتر کی تعداد تین ہو گئی۔ دہلی اور چنئی میں بھی دفاتر ہیں۔
