حیدرآباد، یکم دسمبر (یو این آئی) ہندوستانی ٹی 20 ٹیم کے کپتان سوریہ کمار یادو 3 دسمبر کو آندھرا کے خلاف ممبئی کی اگلی سید مشتاق علی ٹرافی (ایس ایم اے ٹی) کے بقیہ میچ اور اس کے بعد 21 دسمبر سے شروع ہونے والی وجے ہزارے ٹرافی میں بھی کھیل سکتے ہیں۔حال ہی میں جنوبی افریقہ کے خلاف ہندوستان کو سیریز میں 3-1 سے کامیابی دلانے والے سوریہ کمار پیر کو حیدرآباد میں ممبئی کی ٹیم میں شامل ہوں گے اور توقع ہے کہ وہ اگلے میچ میں بھی کھیلیں گے۔ گروپ ای میں چوتھے نمبر پر قابض ممبئی نے اب تک اپنے تین میں سے دو میچ جیتے ہیں اور اتوار کو ناگالینڈ کے خلاف میچ کے بعد اس کے دو لیگ میچ باقی ہیں۔موجودہ ایس ایم اے ٹی میں جنوبی افریقہ کے ٹی 20 دورے کے بعد ہاردک پانڈیا، شریئس، تلک ورما، رنکو سنگھ، یجویندر چہل، ورون چکرورتی اور دیگر کھلاڑی کھیل رہے ہیں۔ جنوبی افریقہ جانے سے پہلے سوریہ کمار نے اکتوبر میں رنجی ٹرافی کا ایک راؤنڈ بھی کھیلا تھا۔خیال کیا جاتا ہے کہ سوریہ کمار یادو کو ایر کے کپتان رہنے سے کوئی پریشانی نہیں ہے اور وہ ٹیم انتظامیہ کے مطابق کسی بھی پوزیشن پر بیٹنگ کرنے کیلئے تیار ہیں۔
