کولمبو، 4 مئی (یو این آئی) چامری اٹاپٹو اور سوگندھیکا کماری (تین تین وکٹ) کی عمدہ کارکردگی کے بعد ہرشیتھا سمارویکرما (53) اور نیلاکشی ڈی سلوا (56) کی شاندار بلے بازی کی بدولت سری لنکا خواتین ٹیم نے اتوار کو سہ ریخی سیریز کے چوتھے میچ میں ہندوستان کو پانچ گیندیں باقی رہتے تین وکٹ سے شکست دے دی۔ یہ سات سال میں سری لنکا کی ہندوستان کے خلاف پہلی ون ڈے جیت ہے۔276 کے ہدف کے تعاقب میں اتری سری لنکا کی ٹیم کی شروعات خراب رہی اور اس نے اپنی پہلی وکٹ حسینی پریرا (22) کی شکل میں صرف 30 کے اسکور پر گنوا دی۔ دونوں بلے بازوں کے درمیان دوسری وکٹ کے لیے 78 رن کی شراکت ہوئی۔ اروندھتی ریڈی نے 23 ویں اوور میں وشمی گنارتنے (33) کو آؤٹ کر کے اس شراکت کا خاتمہ کیا۔ اس کے بعد پرتیکا راول نے 27ویں اوور میں ہرشیتا سماراویکرما (53) کو آؤٹ کرکے ہندوستان کو چوتھی کامیابی دلائی۔ کپتان چامری اٹاپٹو (23)، کاویشا دلہاری (35) اور دیومی وہنگا (1) رن بناکر آؤٹ ہوئیں۔ نیلاکشی ڈی سلوا نے 33 گیندوں پر پانچ چوکوں اور تین چھکوں کی مدد سے 56 رن بنائے۔ آخری اوور میں ہندوستانی گیند بازوں نے سخت گیند بازی کی اور میچ کو سنسنی خیز بنا دیا۔ انوشکا سنجیوانی (23) اور سوگندھیکا کماری (19) رن بناکر ناٹ آؤٹ رہیں۔ سری لنکا نے 49.1 اوور میں سات وکٹ پر 278 رن بنا کر تین وکٹ سے میچ جیت لیا۔ہندستان کی جانب سے اسنیہا رانا نے تین وکٹیں حاصل کیں۔ اروندھتی ریڈی، شری چارنی اور پرتیکا راول نے ایک ایک بلے باز کو آؤٹ کیا۔ریچا گھوش (58)، جمائمہ روڈریگس (37) اور پرتیکا راول (35) کی شاندار بلے بازی کی بدولت ہندوستانی خواتین نے سہ فریقی سیریز کے چوتھے میچ میں اتوار کے روز سری لنکا کو 276 رنز کا ہدف دیا۔آج یہاں سری لنکا کی خواتین ٹیم نے ٹاس جیت کر ہندوستانی ٹیم کو پہلے بلے بازی کی دعوت دی۔ بلے بازی کرنے اتری پرتیکا راول اور اسمرتی مندھانا کی ہندوستانی اوپننگ جوڑی نے اچھی شروعات کرتے ہوئے پہلے وکٹ کے لئے 51 رنز جوڑے۔ ہندوستان کا پہلا وکٹ 10ویں اوور کی پہلی گیند پر اسمرتی مندھانا (18)رن آؤٹ کی صورت میں گرا۔ 13ویں اوور میں انوکا راناویرا نے پرتیکا راول (35) کو آؤٹ کر کے ہندوستان کو دوسرا جھٹکا دیا۔ اس کے بعد ہرلین دیول اور کپتان ہرمن پریت کور کی جوڑی نے اننگ کو سنبھالنے کی کوشش کی۔ دونوں بلے بازوں نے ابھی تیسرے وکٹ کے لیے 42 رن جوڑے تھے کہ دیومی وہنگا نے ہرلین دیول (29) کو آؤٹ کردیا۔ اس کے بعد سوگندھیکا کماری نے کپتان ہرمن پریت کور (30) کو آؤٹ کر کے سری لنکا کو چوتھی کامیابی دلائی۔ جمائمہ روڈریگز نے 46 گیندوں پر 37 رنز بنائے۔ ریچا گھوش نے 48 گیندوں میں پانچ چوکوں اور تین چھکوں کی مدد سے (58) رنز بنائے۔ دیپتی شرما (24)، کاشوی گوتم (17) اور اسنیہا رانا (10) رن بناکر آؤٹ ہوئیں۔ ہندوستانی ٹیم نے مقررہ 50 اوورز میں نو وکٹوں پر 275 رنز بنائے۔سری لنکا کی جانب سے چماری اتاپتو اور سوگندھکا کماری نے تین تین وکٹیں حاصل کیں۔
دیومی وہنگا اور انوکا راناویرا نے ایک ایک بلے باز کو آؤٹ کیا۔
سری لنکا کی خواتین ٹیم نے سات سال میں پہلی بار ہندستان کو شکست دی
