ایف اے کپ 2025: کرسٹل پیلس آسٹن ولاکو ہرا کر تیسری بار فائنل میں

لندن ،27اپریل (ہ س )۔ کرسٹل پیلس نے اسماعیلہ سا کے دو گول کی مدد سے ہفتہ کو ویمبلے اسٹیڈیم میں ایسٹن ولا کو 3-0 سے شکست دے کر تیسری بار ایف اے کپ فٹ بال ٹورنامنٹ کے فائنل میں داخلہ حاصل کیا۔کرسٹل پیلس اس سے قبل 1990 اور 2016 میں اس ٹورنامنٹ کے فائنل میں پہنچی تھی لیکن دونوں مواقع پر اسے مانچسٹر یونائیٹڈ کے ہاتھوں شکست ہوئی تھی۔ ایبیریچی ایزے نے کھیل کے 31ویں منٹ میں اسماعیلہ سا کی اسسٹ پر گول کر کے کرسٹل پیلس کو ابتدائی برتری دلائی۔اس کے بعد انہوں نے 58ویں منٹ میں اور پھر اسٹاپیج ٹائم کے چوتھے منٹ میں گول کرکے اپنی ٹیم کی بڑی جیت کو یقینی بنایا۔ 17 مئی کو فائنل میں کرسٹل پیلس کا مقابلہ مانچسٹر سٹی یا ناٹنگھم فاریسٹ سے ہوگا۔